പ്രവാസി കുടുംബ സുരക്ഷാ പദ്ധതിയുടെ ഉൽഘാടനം നിർവ്വഹിച്ചു

റിയാദ് ; കെ.എം.സി.സി പ്രവാസി കുടുംബ സുരക്ഷാ പദ്ധതിയുടെ ഉൽഘാടനം കഴിഞ്ഞ ദിവസം നടന്ന ചടങ്ങിൽ ബത്ത കെ.എം.സി.സി ഓഫീസിൽ വച്ച് യഹ്ക്കൂബ് ഹാജി തില്ലങ്കേരിക്ക് നൽകി സി.പി മുസ്തഫ നിർവ്വഹിച്ചു .

ജൂലായ്‌ 15 മുതല്‍ ആഗസ്ത് അവസാനം വരെ നടക്കുന്ന ക്യാമ്പയിനിൽ കക്ഷിരാഷ്ട്രീയ ജാതി മത ചിന്തകൾക്കതീതമായി ഏതൊരു മലയാളിക്കും അംഗത്വമെടുക്കാവുന്നതാണ് . അംഗമായി നിശ്ചിത കാലവാധിക്കുള്ളിൽ മരണമടയുകയാണങ്കിൽ കുടുംബത്തിന് 10 ലക്ഷം രൂപ സഹായധനമായി നൽകുന്നതാണ് നിശ്ചിത പദ്ധതി.

പ്രവാസി കുടുംബ സുരക്ഷാ പദ്ധതിയുടെ അപേക്ഷാ ഫോറം യഹ്ക്കൂബ് ഹാജി തില്ലങ്കേരിക്ക് നൽകി സി.പി മുസ്തഫ ഉൽഘാടനം ചെയ്യുന്നു

100 റിയാൽ സംഭാവന നൽകി അംഗത്വമെടുക്കാവുന്നതാണ് . സൗദിയിലോ നാട്ടിലോ ഉള്ള ഭാര്യമാരേയും പങ്കാളിത്വ പദ്ധതിയിൽ ചേർക്കാവുന്നതാണ് എന്നാണ് മറ്റൊരു സവിശേഷത .സി.പി മുസ്തഫ അധ്യക്ഷത വഹിച്ച ചടങ്ങ് കുന്നുമ്മൽ കോയ ഉൽഘാടനം ചെയ്തു .

യു.പി മുസ്തഫ , എം. മൊയ്തീൻകോയ , മുജീബ് ഉപ്പട , മുസ്തഫ ചീക്കോട് , റസാഖ് വളകൈ , അബ്ദുൽ മജീദ് പയ്യന്നൂർ ,സുബൈർ അരിമ്പ്ര , സത്താർ താമരത്ത് , ബഷീർ താമരശ്ശേരി , അഷ്‌റഫ് കൽപ്പകഞ്ചേരി , എ.യു സിദ്ദീഖ് , അസീസ് വെങ്കിട്ട , അബ്ദുറഹ്മാൻ ഫറോക്ക് , പി.സി അലി വയനാട് , ബഷീർ ചേറ്റുവ , കെ.പി മുഹമ്മദ് കളപ്പാറ , അൻവർ കണ്ണൂർ , ലത്തീഫ് മാവൂർ , ശുഹൈബ് മുസാമിയ എന്നിവർ ആശംസ നേര്‍ന്ന് സംസാരിച്ചു .ചടങ്ങിന്  ജലീൽ തിരൂർ സ്വാഗതവും കബീർ വൈലത്തൂർ നന്ദിയും രേഖപ്പെടുത്തി