മുംബൈ: മുംബൈ-അഹമ്മദാബാദ് തേജസ് ട്രെയിനിലെ യാത്രക്കാര്ക്ക് നഷ്ടപരിഹാരം നല്കാന് ഇന്ത്യന് റെയില്വേ. ഐ.ആര്.സി.ടി.സിയാണ് ട്രെയിന് വൈകിയതിന് നഷ്ടപരിഹാരം നല്കുക. ഓരോ യാത്രക്കാരനും 100 രൂപ വീതമാണ് ലഭിക്കുക. കഴിഞ്ഞ ദിവസം മുംബൈ സെന്ട്രല് റെയില്വേ സ്റ്റേഷനില് ഒരു മണിക്കൂര് വൈകിയാണ് ട്രെയിന് എത്തിയത്.
പശ്ചിമ റെയില്വേയിലെ വൈദ്യുത ലൈനിലെ തകരാര് മൂലമാണ് ട്രെയിന് വൈകിയത്. ഭയാന്തര്-മിറ റോഡ് റെയില്വേ സ്റ്റേഷനുകള്ക്കിടയിലാണ് തകരാര് കണ്ടെത്തിയത്. 1.10ന് മുംബൈയിലെത്തേണ്ട ട്രെയിന് 2.35നാണ് എത്തിയത്.
ട്രെയിനില് യാത്ര ചെയ്ത 630 യാത്രക്കാര്ക്കാണ് നൂറ് രൂപ വീതമാണ് നഷ്ടപരിഹാരമായി നല്കുക. റീഫണ്ട് പോളിസി അനുസരിച്ച് യാത്രക്കാര് അപേക്ഷ നല്കണമെന്നും പരിശോധനയ്ക്ക് ശേഷം ഇവര്ക്ക് നഷ്ടപരിഹാരം നല്കുമെന്നുമാണ് ഐആര്സിടിസി വക്താവ് അറിയിച്ചിരിക്കുന്നത്. 18002665844 എന്ന നമ്ബറിലോ irctcclaims@libertyinsurance.in എന്ന ഇമെയിലേക്കോ യാത്രക്കാര്ക്ക് നഷ്ടപരിഹാരം ക്ലെയിം ചെയ്യാമെന്ന് ഐആര്സിടിസി അധികൃതര് അറിയിച്ചിട്ടുണ്ട്.