ബോളിവുഡ് താരം സണ്ണി ലിയോൺ ഇപ്പോൾ വളരെ സന്തോഷവതിയാണ്. കാരണം തന്റെ മൂന്ന് കുട്ടികളാണ്. അഭിമുഖങ്ങളിൽ തന്റെ കുട്ടികളുടെ കാര്യം ചോദിക്കുമ്പോൾ താരത്തിന് പറയാൻ നൂറ് നാവാണ്. ഇപ്പോഴാണ് തന്റെ കുടുംബം കുടുംബത്തിലേയ്ക്ക് കുട്ടികളുടെ വരവോടെയാണ് തന്റെ ജീവിതം പൂർണ്ണമായതെന്ന് സണ്ണി തുറന്നു പറഞ്ഞിരുന്നു. ഒരു മാധ്യമത്തിനു നൽകിയ അഭിമുഖത്തിലാണ് താരം ഇങ്ങനെ പറഞ്ഞത്.
സണ്ണി ലിയോണും, ഭർത്താവ് ഡാനിയലും മൂന്ന് കുഞ്ഞുങ്ങളും അടങ്ങുന്നതാണ് താരത്തിന്റെ കുടുംബം. രണ്ടര വയസുമാത്രമുള്ള നിഷയും ഏതാനു മാസം പ്രായമുള്ള ഇരട്ട കുഞ്ഞുങ്ങളായ അഷര്, നോവയുമാണ് താരത്തിന്റെ കുഞ്ഞുങ്ങൾ. കുഞ്ഞുങ്ങൾ വന്നതോടെ ജീവിതം ആകെ മാറിയെന്നാണ് താരം പറയുന്നത്.
താരത്തിനും ഭർത്താവിനും കുഞ്ഞുങ്ങൾ വേണമെന്നുളള ചിന്ത തുടങ്ങിയിട്ടു കുറച്ചു നാളുകളായിരുന്നു. കുഞ്ഞുങ്ങളുടെ ബഹളവും കളിയും ചിരിയുമുള്ള ഒരു വലിയ വീടായിരുന്നു തങ്ങളുടെ സ്വപ്നം. അതാണിപ്പോൾ സാധ്യമായിരിക്കുന്നത്. കൂട്ടികളുടെ വരവോടെ ജീവിതത്തിൽ ആകെ മാറ്റമാണ് ഉണ്ടായിരിക്കുന്നതെന്നും സണ്ണി പറഞ്ഞു. ഇതാണ് ജീവിതത്തിലെ ഏറ്റവും വലിയ വിജയമെന്ന് വിശ്വസിക്കുന്നതെന്നും താരം പറഞ്ഞു.
കുടുംബത്തിൽ രണ്ടു പേരും കൂടി വന്നപ്പോൾ ഏറ്റവും കൂടുതൽ മാറ്റം മകൾ നിഷയ്ക്കായിരുന്നു. അവൾ ചെറുതാണെങ്കിലും അഷറും നേർവയും സഹോദരങ്ങളാണെന്നു നിഷയ്ക്ക് അറിയാം. അവളുടെ ചേച്ചി സമയലാണ് ഏറെ രസകരമെന്നും താരം പറഞ്ഞു. കുഞ്ഞുങ്ങളുടെ കാര്യത്തിൽ അവൾ ഏറെ ശ്രദ്ധാലുവാണ്. ചേച്ചിയുടെ സ്ഥാനത്ത് നിന്ന് സഹേദരങ്ങളുടെ കാര്യങ്ങൾ നിഷ ചെയ്യാൻ ശ്രമിക്കാറുണ്ടെന്നും താരം പറഞ്ഞു.
ഏതൊരു ജോലിയായലും അത് ആസ്വദിച്ച് ചെയ്താൽ നമുക്ക് അതിനോട് മടുപ്പ് തോന്നുകയില്ല. മാതൃത്വം ഒരു ജോലിയല്ല. അത് ജീവിതത്തിലെ മനോഹരമായ ഒരു അവസഥയാണ്. കുട്ടികളുടെ കാര്യത്തിലും തനിയ്ക്കും ഭർത്താവിനു നല്ല ഉത്തരവാദിത്തമുണ്ട്. അദ്ദേഹം തൻരെ കടമകൾ നന്നായി നിറവേറ്റുന്നുമുണ്ട്. അതിനാൽ തന്നെ തന്റെ ജോലി സംബന്ധമായ തിരക്ക് കുടുംബത്തിന്റെ കാര്യത്തിൽ അനുഭവപ്പെടാറില്ലെന്നും സണ്ണി പറഞ്ഞു. തിരക്കുകള്ക്കിടയില് അമ്മയുടെ കടമകള് എങ്ങനെ ചെയ്യുന്നു എന്ന ചോദ്യത്തിനായിരുന്നു താരം ഇങ്ങനെ മറുപടി പറഞ്ഞത്.