നാഗപട്ടണം: വിദേശമദ്യമെന്നു കരുതി കടലില് കണ്ടെത്തിയ ദ്രാവകം കഴിച്ച് മൂന്നു മത്സ്യത്തൊഴിലാളികള് മരിച്ചു. തമിഴ്നാട്ടിലെ രാമേശ്വരത്തുനിന്നു മീന്പിടിക്കാന് പോയവരാണു മരിച്ചത്.
മാര്ച്ച് ഒന്നിനായിരുന്നു ആറു മത്സ്യത്തൊഴിലാളികള് മീന് പിടിക്കാന് പോയത്. ശനിയാഴ്ച കടലില് കണ്ടെത്തിയ ദ്രാവകം മൂന്നു പേര് കഴിച്ചു.
ഉടന്തന്നെ മൂവരും ബോധരഹിതരായി.മദ്യമെന്നു കരുതിയ ദ്രാവകം കഴിക്കാത്തവരാണ് ബോട്ട് കരയ്ക്കെത്തിച്ചത്. ഒരാള് ബോട്ടില്വച്ചുതന്നെ മരിച്ചു. മറ്റു രണ്ടു പേര് ചികിത്സയ്ക്കിടെ മരിച്ചു.