കൊല്ലം: നീണ്ടകരയിൽ നിന്ന് മത്സ്യബന്ധനത്തിനു പോയ ബോട്ട് മുങ്ങി മൂന്നുപേരെ കാണാതായി. ശക്തമായ കാറ്റില്പ്പെട്ട് ബോട്ട് മറിയുകയായിരുന്നു.
തമിഴ്നാട് സ്വദേശിയായ സ്റ്റാലിന്റെ ഉടമസ്ഥതയിലുള്ള സൈലത്മാതാ എന്ന ബോട്ടാണ് അപകടത്തില് പെട്ടത്. അഞ്ചുപേരാണ് ബോട്ടിലുണ്ടായിരുന്നത്. ഇവരില് സ്റ്റാലിനും നിക്കോളാസും നീന്തി രക്ഷപ്പെട്ടു.
രാജു, ജോണ്ബോസ്കോ,സഹായരാജു എന്നിവരെയാണ് കാണാതായത്. ഇവര്ക്കുവേണ്ടി തിരച്ചില് തുടരുകയാണ്. മൂവരും തമിഴ്നാട് നീരോടി സ്വദേശികളാണ്. തകര്ന്ന ബോട്ട് തീരത്തടിഞ്ഞിട്ടുണ്ട്.
അതേസമയം, കൊല്ലം ആലപ്പാട്ട് കടല്ക്ഷോഭം രൂക്ഷമായി. നിരവധി വീടുകളില് വെള്ളംകയറി.