കഴിഞ്ഞ ദിവസം കൊവിഡ് സ്ഥിരീകരിച്ച തമിഴ്നാട് എംഎൽഎയുടെ ബന്ധുക്കൾക്കും കൊവിഡ് സ്ഥിരീകരിച്ചു

ചെന്നൈ: കഴിഞ്ഞ ദിവസം കൊവിഡ് സ്ഥിരീകരിച്ച തമിഴ്നാട് എംഎൽഎയുടെ ബന്ധുക്കൾക്കും കൊവിഡ് സ്ഥിരീകരിച്ചു. കൊവിഡ് സ്ഥിരീകരിച്ച ശ്രീപെരുമ്പത്തൂർ എംഎൽഎയും എഐഎഡിഎംകെ നേതാവുമായ കെ പളനിയുടെ ബന്ധുക്കൾക്കാണ് ഇപ്പോൾ കൊവിഡ് സ്ഥിരീകരിച്ചിരിക്കുന്നത്.

പനിയെ തുടർന്ന് ആശുപത്രിയിൽ പ്രവേശിപ്പിച്ച എംഎൽഎയ്ക്ക് പിന്നീട് പരിശോധനയിൽ കൊവിഡ് സ്ഥിരീകരിക്കുകയായിരുന്നു. ഇതേ തുടർന്ന് അദ്ദേഹത്തിൻ്റെ കുടുംബാംഗങ്ങളേയും കൊവിഡ് പരിശോധനയ്ക്ക് വിധേയരാക്കിയപ്പോൾ ആണ് മൂന്ന് പേർക്ക് കൂടി കൊവിഡ് ബാധ സ്ഥിരീകരിച്ചത്. ഇവരെല്ലാം ഇപ്പോൾ ചികിത്സയിലാണ്. സ്വകാര്യ ആശുപത്രിയിൽ ചികിത്സയിലുള്ള എംഎൽഎയുടെ നില നിലവിൽ തൃപ്തികരമാണെന്ന് ആശുപത്രി വൃത്തങ്ങൾ അറിയിച്ചു.

കെ.പളനിക്ക് എവിടെ നിന്നാണ് കൊവിഡ് ബാധയുണ്ടായത് എന്ന് കണ്ടെത്താനായിട്ടില്ലെന്നും കൊവിഡ് വ്യാപനം അതിശക്തമായ മണ്ഡലത്തിൽ പ്രതിരോധ- ദുരിതാശ്വാസ പ്രവർത്തനങ്ങൾക്കായി മുന്നിട്ടിറങ്ങിയ എംഎൽഎക്ക് അവിടെ നിന്നാവും കൊവിഡ് ബാധിച്ചതെന്നാണ് നിഗമനമെന്നും ആരോഗ്യവകുപ്പ് ഉദ്യോഗസ്ഥർ പറയുന്നു.