Advertisment

ലൈംഗിക ബന്ധം തനിക്ക് 'സ്‌ഫോടനാത്മക ശക്തി' പകര്‍ന്നു! ഒളിമ്പിക്‌സില്‍ മൂന്ന് തവണ സ്വര്‍ണ മെഡല്‍ നേടിയ വനിതാതാരം പറയുന്നു

New Update

publive-image

Advertisment

'സ്‌ഫോടനാത്മ ശക്തി' ആവശ്യമുള്ള ഒരു സംഭവത്തിന് മുമ്പ് ലൈംഗിക ബന്ധത്തില്‍ ഏര്‍പ്പെടുന്നത് നിങ്ങളുടെ പ്രകടനത്തിന് ഗുണം ചെയ്യുമെന്ന് ഒളിമ്പിക്‌സില്‍ മൂന്ന് തവണ സ്വര്‍ണം നേടിയ അല്ല ഷിഷ്‌കിന പറയുന്നു. 2012, 2016, 2020 വര്‍ഷങ്ങളിലെ ഗ്രൂപ്പ് നീന്തല്‍ മത്സരങ്ങളില്‍ സ്വര്‍ണം നേടിയ റഷ്യന്‍ താരമാണ് ഷിഷ്‌കിന.

റഷ്യന്‍ ഔട്ട്‌ലെറ്റ് സ്‌പോര്‍ട്ട് എക്‌സ്പ്രസിന് നല്‍കിയ അഭിമുഖത്തിലാണ് ലൈംഗിക ബന്ധം തന്റെ പ്രകടനം മെച്ചപ്പെടുത്തിയതായി താരം വെളിപ്പെടുത്തിയത്. ലൈംഗിക ബന്ധം സ്‌ഫോടനാത്മക ശക്തി പകരുന്നതായി ഡെനിസ് എന്ന ഡോക്ടറാണ് തന്നോട് ഉപദേശിച്ചതെന്ന് താരം വ്യക്തമാക്കി.

ലൈംഗികത നിങ്ങളെ സഹായിക്കുമെന്ന് നിങ്ങള്‍ക്ക് തോന്നുന്നുവെങ്കില്‍ അതുമായി മുന്നോട്ട് പോകണമെന്നാണ് ഷിഷ്‌കിനയുടെ അഭിപ്രായം. ഇത് സ്ത്രീകളില്‍ ടെസ്റ്റോസ്റ്റിറോണിനും മസിലുകള്‍ക്കും ഗുണം ചെയ്യുമെന്ന് അവര്‍ കൂട്ടിച്ചേര്‍ത്തു.

''മികച്ച പ്രകടനം നടത്താന്‍ മസിലുകള്‍ക്ക് കരുത്ത് വേണമെന്നുള്ളവര്‍ക്ക് മത്സരത്തിന് മുമ്പുള്ള രതിമൂര്‍ച്ഛയില്ലാത്ത ലൈംഗികത അനുയോജ്യമാണ്'', ഷിഷ്‌കിന പറഞ്ഞു.

നീന്തല്‍ മത്സരത്തില്‍ വലിയ സ്തനങ്ങളുള്ളവര്‍ക്ക് മികച്ച പ്രകടനം നടത്താന്‍ സഹായിക്കുമെന്ന പ്രചാരണം ശരിയല്ലെന്നും താരം കൂട്ടിച്ചേര്‍ത്തു. സ്തനങ്ങള്‍ നിങ്ങളെ വെള്ളത്തില്‍ പൊങ്ങിക്കിടക്കാന്‍ സഹായിക്കുമെന്നത് മിഥ്യാധാരണയാണ്. യഥാര്‍ത്ഥത്തില്‍ വലിയ സ്തനങ്ങള്‍ പരിശീലനത്തിന് ബുദ്ധിമുട്ടാണെന്ന് ഷിഷ്‌കിന പറയുന്നു. താരങ്ങള്‍ പേശികളെ ശക്തിപ്പെടുത്തുന്ന വ്യായാമങ്ങള്‍ ചെയ്യണമെന്നാണ് ഷിഷ്‌കിനയുടെ അഭിപ്രായം.

Advertisment