ടോക്കിയോ, ഒളിംപിക്സിന് നാളെ തിരിതെളിയും.11090 അത്ലറ്റുകള് ഒറ്റലക്ഷ്യത്തിനായി ഇന്ത്യന് സമയം വൈകിട്ട് നാലരയ്ക്കാണ് ഉദ്ഘാടന ചടങ്ങുകള്ക്ക് തുടക്കമാവുക. ലിംഗനീതി ഉറപ്പാക്കുന്നതാണ് ഇത്തവണത്തെ ഒളിംപിക്സിന്റെ പ്രത്യേകത. പതിവ് ഉദ്ഘാടന ചടങ്ങുകള് ഉണ്ടാവില്ല. ജപ്പാന് തനിമയുള്ള ലളിതമായ പരിപാടികളായിരിക്കും ഇത്തവണ. കാണികളെ പൂര്ണമായും അകറ്റിനിര്ത്തും. സാമൂഹിക അകലം ഉറപ്പാക്കാന് മാര്ച്ച് പാസ്റ്റിലും താരസാന്നിധ്യം കുറക്കും.
എല്ലാ ടീമുകള്ക്കും ആദ്യമായി പതാകവാഹകരായി പുരുഷ വനിതാ താരങ്ങളുണ്ടാവും. ഒളിംപിക് പ്രതിജ്ഞാ വാചകം ചെല്ലുന്നതിലും ഇത്തവണ സ്ത്രീസാന്നിധ്യം ഉറപ്പാക്കി. മുന് ഒളിംപിക്സുകളില് ആതിഥേയ രാജ്യത്തെ ഒരുതാരവും ഓരോ പരിശീലകനും റഫറിയുമാണ് പ്രതിജ്ഞാ വാചകം ചൊല്ലാറുള്ളത്. ഇത്തവണ ഇവര്ക്കൊപ്പം മൂന്ന് വനിതകള്കൂടിയുണ്ടാവും.