സര്‍ക്കാരിന്റെ ദുരിതാശ്വാസ നിധിയെ വിമർശിച്ച് മുന്‍ പൊലീസ് മേധാവി ടി.പി സെന്‍കുമാര്‍; ദുരിതാശ്വാസ നിധി കുടുക്കയാണ് പണം ഇടുന്ന വേഗത്തിലും എളുപ്പത്തിലും തിരികെ ലഭിക്കില്ല

നെടുങ്കണ്ടം; സർക്കാരിന്റെ ദുരിതാശ്വാസ നിധിയെ വിമർശിച്ച് മുന്‍ പൊലീസ് മേധാവി ടി.പി സെന്‍കുമാര്‍.കഴിഞ്ഞ പ്രളയത്തില്‍ വീടുതകര്‍ന്നു പോയ കുടുംബത്തിന് സേവാഭാരതി നിര്‍മിച്ചു നല്‍കിയ വീടിന്റെ താക്കോല്‍ദാനം നിര്‍വഹിച്ചായിരുന്നു അദ്ദേഹത്തിന്റെ വിമർശനം.

സര്‍ക്കാരിന്റെ ദുരിതാശ്വാസ നിധി കുടുക്കപോലെയാണ് ദുരിതാശ്വാസ നിധിയിലേക്ക് പണം ഇടുന്ന വേഗത്തിലും എളുപ്പത്തിലും തിരികെ ലഭിക്കില്ലെന്നാണ് സെന്‍കുമാര്‍ പറയുന്നത്. പണം ജനങ്ങളിലേക്ക് വേഗത്തില്‍ എത്താത്തതിന് രാഷ്ട്രീയവും നിയമപരവുമായ കാരണങ്ങളുണ്ട്.

എല്ലാം നഷ്ടപ്പെട്ട ജനതയ്ക്കായി പ്രതിബന്ധങ്ങള്‍ നീക്കാനാണ് സര്‍ക്കാരുകള്‍ ശ്രമിക്കേണ്ടത്.'- സെന്‍കുമാര്‍ പറഞ്ഞു. കുഴിപ്പെട്ടി തകിടിയേല്‍ രജിത ഷിബുവിനും കുടുംബത്തിനുമാണ് സേവാഭാരതി വീടുവെച്ചു നല്‍കിയത്.