റെയില്‍പാളത്തില്‍ ടിക് ടോക്ക് വിഡിയോ ചിത്രീകരണം; പാഞ്ഞെത്തിയ ട്രെയിന്‍ തട്ടി 18കാരന് ദാരുണാന്ത്യം

ഇസ്ലാമാബാദ്: ടിക് ടോക്ക് വിഡിയോ ചിത്രീകരിക്കുന്നതിനിടയില്‍ ട്രെയിന്‍ തട്ടിയ യുവാവിന് ദാരുണാന്ത്യം. റെയില്‍പാളത്തില്‍ ടിക് ടോക്കിനായി സ്റ്റണ്ട് നടത്തുന്നതിനിടെയായിരുന്നു അപകടം. 18കാരനായ ഹംസ നവീദ് ആണ് മരിച്ചത്.

ഇസ്ലാമാബാദിന് സമീപമുള്ള റാവല്‍പിണ്ടിക്കടുത്തെ ഷാ ഖാലിദ് എന്ന സ്ഥലത്ത് ഇന്നലെയാണ് അപകടമുണ്ടായത്. ഹംസ പാളത്തിലൂടെ നടക്കുന്നത് സുഹൃത്ത് ക്യാമറയില്‍ പകര്‍ത്തുകയായിരുന്നു.

ഇതിനിടയില്‍ ട്രെയിന്‍ പാഞ്ഞെത്തി. സുരക്ഷാ ഉദ്യോഗസ്ഥര്‍ ഉടന്‍തന്നെ സ്ഥലത്തെത്തിയെങ്കിലും അപ്പോഴേക്കും ഹംസ മരിച്ചു.