ട്യൂണിസ്: കോവിഡ് ബാധ പടരുന്നതിനിടെ രാജ്യത്തെ ലോക്ക്ഡൗണ് നിര്ദേശങ്ങള് പാലിക്കപ്പെടുന്നുണ്ടോ എന്നറിയാന് വ്യത്യസ്ത മാര്ഗവുമായി ടുണീഷ് രംഗത്ത്. പരിശോധനകള്ക്കായി ഒരു പോലീസ് റോബോട്ടിനെയാണ് ടുണീഷ്യ തയാറാക്കിയിരുന്നത്. റിമോട്ട് കണ്ട്രോള് സിസ്റ്റത്തിലൂടെയാണ് റോബോട്ട് പ്രവര്ത്തിക്കുക..
ആരെങ്കിലും നിരത്തിലിറങ്ങി നടക്കുന്നത് കണ്ടാല് റോബോട്ട് അവരെ സമീപിച്ച് എന്തിനാണ് പുറത്തിറങ്ങിയത് എന്ന് ആരായും. ആ സമയത്ത് പുറത്തിറങ്ങിയത് ആരായാലും അവര് ഐഡന്റിറ്റി കാര്ഡും മറ്റ് രേഖകളും റോബോട്ടില് ഘടിപ്പിച്ചിരിക്കുന്ന കാമറയിലേക്ക് കാണിക്കണം. കണ്ട്രോള് റൂമില് ഇരിക്കുന്ന പോലീസ് ഉദ്യോഗസ്ഥര് ഇത് പരിശോധിച്ച് വേണ്ട നിര്ദേശങ്ങള് നല്കും.
ഒന്നിലേറെ റോബോട്ടുകളെ നിര്മിച്ചിട്ടുണ്ടെന്നാണ് വിവരം. പി ഗാര്ഡ് എന്ന് പേരിട്ടിരിക്കുന്ന റോബോട്ടിന്റെ നിര്മാതാക്കള് ഇനോവ റോബോട്ടിക്സ് ആണ്. തെര്മല് ഇമേജിംഗ് കാമറയും ലിഡാര് സംംവിധാനവുമാണ് പി ഗാര്ഡ് റോബോട്ടിന്റെ പ്രത്യേകതയെന്നു പറഞ്ഞ കമ്പനി അധികൃതര് കൂടുതല് വിവരങ്ങള് വെളിപ്പെടുത്താനാകില്ലെന്നും കൂട്ടിച്ചേര്ത്തു.