തിരുവനന്തപുരം: ചുഴലിക്കാറ്റിന്റെ പശ്ചാത്തലത്തില് പ്രവര്ത്തനം നിര്ത്തിവച്ച തിരുവനന്തപുരം അന്താരാഷ്ട്ര വിമാനത്താവളം തുറന്നു. ഇന്ന് വൈകുന്നേരം നാലിനാണ് വിമാനത്താവളം തുറന്നത്. വിമാനത്താവള പ്രവര്ത്തനങ്ങള് നാലു മുതല് പൂര്ണ തോതില് പുനരാരംഭിച്ചതായും അധികൃതര് അറിയിച്ചു.
ഇന്നു രാവിലെ 10 മുതല് വൈകിട്ട് ആറു വരെ വിമാനത്താവളത്തിന്റെ പ്രവര്ത്തനം നിര്ത്തിവയ്ക്കാനാണ് കഴിഞ്ഞ ദിവസം തീരുമാനിച്ചത്. ബുറേവി ചുഴലിക്കാറ്റ് വെള്ളിയാഴ്ച ഉച്ചയോടെ തിരുവനന്തപുരത്ത് വീശാന് സാധ്യതയുണ്ടെന്ന കാലാവസ്ഥാ മുന്നറിയിപ്പിന്റെ പശ്ചാത്തലത്തില് ആയിരുന്നു ഇത്.