Advertisment

ആദ്യത്തെ കണ്മണിയെ കാണാനായി നാട്ടില്‍പോയി മടങ്ങിയെത്തി ഒരാഴ്ചയ്ക്ക് ശേഷം 34 കാരനായ യുഎഇ മലയാളി യുവാവ് താമസ സ്ഥലത്ത് മരിച്ച നിലയില്‍

author-image
ഗള്‍ഫ് ഡസ്ക്
New Update

publive-image

Advertisment

യുഎഇ ∙  34 കാരനായ മലയാളി യുവാവിനെ യുഎഇയിലെ അൽഐനില്‍ താമസ സ്ഥലത്ത് തൂങ്ങി മരിച്ച നിലയില്‍ കണ്ടെത്തി. വളയംകുളം അസ്സബാഹ് കോളേജിന് സമീപം താമസിക്കുന്ന പരേതനായ പൊന്നെങ്കാട്ട് പരേതനായ അബൂബക്കറിന്റെ മകന്‍ മുഹമ്മദ് ആഷിഖി(34)നെയാണ് മരിച്ച നിലയിൽ കണ്ടെത്തിയത്.

ഏതാനും വര്‍ഷമായി ഇവിടെ സൂപ്പര്‍മാര്‍ക്കറ്റ് നടത്തിയിരുന്ന ആഷിഖ് ഭാര്യയുടെ പ്രസവത്തിനായി അവധിക്ക് നാട്ടിൽപോയി ഒരാഴ്ച മുമ്പാണ് തിരിച്ചെത്തിയത്‌. ഏക മകള്‍ ദാനിയ ഹാജർക്ക് 22 ദിവസം മാത്രമാണ് പ്രായം.

മടങ്ങിയെത്തിയ ശേഷം ഫോണില്‍ വിളിച്ച് കിട്ടാതായതോടെ ശനിയാഴ്ച വൈകിട്ട് താമസ സ്ഥലത്തെത്തിയ സുഹൃത്തുക്കളാണ് മരിച്ച നിലയില്‍ കണ്ടെത്തിയത്‌. അല്‍ഐന്‍ ആശുപത്രിയില്‍ സൂക്ഷിച്ച മൃതദേഹം അടുത്ത ദിവസം നാട്ടിലെത്തിക്കാനുള്ള ശ്രമം നടത്തുന്നതായി ബന്ധുക്കൾ പറഞ്ഞു.

നഫീസയാണ് മാതാവ്. ഭാര്യ: റബീന. 22 ദിവസം പ്രായമുള്ള ദാനിയ ഹാജർ മകളാണ്. സഹോദരിമാർ: റംല അഷ്‌റഫ്, സീനത്ത് മുഹമ്മദാലി, ഹസീന സൈദലി, ആബിദ, മൈമൂനാ ഷമീർ.

uae
Advertisment