അബുദാബി: യുഎഇയില് എസ്കലേറ്ററില് നിന്ന് വീണ് ഗുരുതര പരിക്കേറ്റ അഞ്ചു വയസ്സുകാരന്റെ കുടുംബത്തിന് അല് ഐനിലെ ഒരു ഷോപ്പിങ് മാള് 735,000 ദിര്ഹം(1.4 കോടി ഇന്ത്യന് രൂപ) നഷ്ടപരിഹാരം നല്കണമെന്ന് കോടതി ഉത്തരവ്.
മാളിലെ സന്ദര്ശകരുടെ സുരക്ഷിതത്വം ഉറപ്പാക്കുന്നതിനുള്ള മാര്ഗങ്ങള് സ്വീകരിക്കുന്നതില് വീഴ്ച വരുത്തിയതിനാണ് മാള് ഉടമസ്ഥര് നഷ്ടപരിഹാരം നല്കേണ്ടത്. സംഭവത്തില് അന്വേഷണം നടത്തിയ പ്രോസിക്യൂട്ടര്മാര്, വേണ്ട സുരക്ഷാ സംവിധാനങ്ങള് ഉറപ്പാക്കുന്നതില് മാള് വീഴ്ച വരുത്തിയെന്ന് കണ്ടെത്തി.
13 ദശലക്ഷം ദിര്ഹം നഷ്ടപരിഹാരം ആവശ്യപ്പെട്ടാണ് കുട്ടിയുടെ പിതാവ് കോടതിയെ സമീപിച്ചത്.