സമാധാന അന്തരീക്ഷത്തിനും അക്രമ രാഷ്ട്രീയത്തിനുമെതിരെ യു ഡി എഫിന് വോട്ട് നൽകുക: ഓ ഐ സി സി തൃശൂർ ജില്ലാ കൺവെൻഷൻ

ജിദ്ദ : ഇന്ത്യയുടെ സമാധാന അന്തരീക്ഷം വീണ്ടെടുക്കാനും ഫാസിസ്റ്റു പരിവാർ അക്രമ രാഷ്ട്രീയത്തിനെതിരെ നിലപാടെടുക്കാനും കേരളത്തിൽ യു ഡി എഫിന് വോട് നൽകണമെന്ന് ഓ ഐ സി സി തൃശൂർ ജില്ലാ പ്രവർത്തക കൺവെൻഷനിൽ പ്രാസംഗികർ അഭിപ്രായപ്പെട്ടു.

യു ഡി എഫിന് തുശൂർ ജില്ലയിൽ ശക്തരായ സ്ഥാനാര്ഥികളാണെന്നും അവരെ വിജയി പ്പിക്കേണ്ടത് ഓരോ മതേതര ജനാധിപത്യ വിശ്വാസികളുടെ കടമയാണെന്നും യോഗം അഭിപ്രായപ്പെട്ടു. കഴിഞ്ഞ അഞ്ചു വർഷമായി തുടരുന്ന മോദിയുടെ ദുര്ഭരണ ത്തിനു അറുതി വരുത്താനുള്ള ഈ അവസരം നാട്ടിലുള്ളവരുമായുള്ള നിരന്തര സമ്പർക്ക ത്തിലൂ ടെയും ഏകോപനത്തിലൂടെയും ഉപയോഗപ്പെടുത്തണമെന്നും യോഗം പ്രവാസികളോട് അഭ്യർത്ഥിച്ചു .

ജില്ലാ പ്രസിഡന്റ് ഷെരീഫ് അറക്കലിന്റെ അധ്യക്ഷതയിൽ നടന്ന കൺവെൻഷനിൽ റീജിയണൽ കമ്മിറ്റി ജനറൽ സക്രെട്ടറി സാക്കിർ ഹുസൈൻ എടവണ്ണ ഉത്ഘാടനം ചെയ്തു. കുഞ്ഞു മുഹമ്മദ് കോടശ്ശേരി, യൂനുസ് കാട്ടൂർ, ജമാൽ മാള, വേണു അന്തിക്കാട്, നസീർ ചമ്മനൂർ, ജലീൽ എറിയാട് , അലി തേക്കുതോട്, മുജീബ് മൂത്തേടത്തു, ഇസ്മായിൽ കൂരിപ്പൊഴി, സിദ്ധീഖ് ചോക്കാട്, സിറാജ് കൊച്ചി തുടങ്ങിയവർ സംസാരിച്ചു ജനറൽ സെക്രട്ടറി അഷ്‌റഫ് വടക്കേകാട് സ്വാഗതവും അബ്ദുൽ കാദർ വാഴപ്പുള്ളി നന്ദിയും പറഞ്ഞു