സിപിഎം വോട്ടര്‍മാര്‍ക്ക് പണം നല്‍കുന്നു; വിതരണം ചെയ്യുന്നത് കോഴിക്കോട്ടെ ഇവന്റ് മാനേജ്‌മെന്റ് കമ്പനി; ആരോപണവുമായി ഉമ്മന്‍ചാണ്ടി ; കൊല്ലത്ത് വന്ന് ഇത്തരം തരംതാണ അഭിപ്രായങ്ങള്‍ പറയേണ്ടി വരുന്നത് ഉമ്മന്‍ചാണ്ടിയുടെ ഗതികേടാണെന്ന് തോമസ് ഐസക്

ന്യൂസ് ബ്യൂറോ, കൊല്ലം
Friday, April 19, 2019

തിരുവനന്തപുരം: സിപിഎം വോട്ടര്‍മാര്‍ക്ക് പണം നല്‍കുന്നുവെന്ന് എഐസിസി ജനറല്‍ സെക്രട്ടറി  ഉമ്മന്‍ചാണ്ടി. കോഴിക്കോട്ടെ ഇവന്റ് മാനേജുമെന്റ് കമ്പനിയെ
ഉപയോഗിച്ചാണ് പണം വിതരണം ചെയ്യുന്നത്. ഇതിനെതിരെ കൊല്ലത്തെ യുഡിഎഫ് നേതാക്കള്‍ നല്‍കിയ പരാതില്‍ നടപടി എടുക്കുന്നില്ലെന്നും ഉമ്മന്‍ചാണ്ടി ആരോപിച്ചു. തെരഞ്ഞടുപ്പ് കമ്മീഷന്‍ ഉചിതമായ നടപടി എടുക്കണമെന്ന് ഇടപെടണമെന്ന് ഉമ്മന്‍ചാണ്ടി വാര്‍ത്താ കുറിപ്പില്‍ പറഞ്ഞു.

സംസ്ഥാനത്ത എല്ലാ മണ്ഡലങ്ങളിലും സിപിഎം പണം വിതരണം ചെയ്യുന്നുവെന്നാണ് ഉമ്മന്‍ചാണ്ടിയുടെ ആരോപണം. പരസ്യപ്രചാരണം അവസാനിക്കാന്‍ മണിക്കൂറൂകള്‍ മാത്രമുള്ളപ്പോഴാണ് ഗുരുതരമായ ആരോപണം.

തെരഞ്ഞടുപ്പില്‍ തോല്‍ക്കുമെന്ന വെപ്രാളമാണ് ഉമ്മന്‍ചാണ്ടിയുടെ ആരോപണത്തിന് പിന്നിലെന്ന് മന്ത്രി തോമസ് ഐസക് പറഞ്ഞു. പാര്‍ട്ടിക്ക് പ്രചാരണത്തിന് പണത്തിന്റെ കുറവ് മാത്രമേയുള്ളുവെന്ന് ഐസക് പറഞ്ഞു.

കൊല്ലത്ത് വന്ന് ഇത്തരം തരംതാണ അഭിപ്രായങ്ങള്‍ പറയേണ്ടി വരുന്നത് ഉമ്മന്‍ചാണ്ടിയുടെ ഗതികേടാണെന്നും ഐസക് പറഞ്ഞു.  കൊല്ലത്ത് ബിജെപി വോട്ടുകള്‍ യുഡിഎഫ് പണം നല്‍കി വാങ്ങുകയാണെന്ന് ഉമ്മന്‍ചാണ്ടി പറഞ്ഞു.

×