ശരീരത്തിൽ തീപടർന്നു കയറുമ്പോഴും മൊബൈലിൽ രക്ഷാനമ്പറിലേക്കു വിളിക്കാനുള്ള മനോധൈര്യം അവള്‍ കാട്ടി ; ദൃക്‌സാക്ഷികള്‍ പറയുന്നു

ഉന്നാവ് : ശരീരത്തിൽ തീപടർന്നു കയറുമ്പോഴും മൊബൈലിൽ രക്ഷാനമ്പറിലേക്കു വിളിക്കാനുള്ള മനോധൈര്യം പെൺകുട്ടി കാട്ടിയെന്നു ദൃക്സാക്ഷികൾ പറഞ്ഞു. രണ്ടു മണിക്കൂറോളം യാത്ര ചെയ്താൽ എത്തുന്ന റായ്ബറേലിയിലെ കോടതിയിലേക്കായിരുന്നു ഗ്രാമത്തിൽ നിന്ന് അവളുടെ യാത്ര.

‘ഞങ്ങൾ കാണുമ്പോൾ അവൾ നിലവിളിച്ചോടി വരികയായിരുന്നു. പൊലീസിനെ അറിയിച്ചത് ഞങ്ങളാണ്. ആംബുലൻസ് വരുന്നതിനിടയിൽ ഫോണിൽ അവൾ പൊലീസിനോട് സംസാരിച്ചു’– നാട്ടുകാരിലൊരാൾ പറഞ്ഞു.