കണ്ണൂര്: 'ദേശാടനം' എന്ന സിനിമയിലൂടെ മലയാളികളുടെ മുത്തച്ഛനായി മാറിയ നടനാണ് ഉണ്ണിക്കൃഷ്ണന് നമ്പൂതിരി. 98-ാം വയസ്സില് കോവിഡ് മഹാമാരിയെ അതിജീവിച്ചിരിക്കുകയാണ് അദ്ദേഹം.
കോവിഡ് ബാധിതനായ അദ്ദേഹം കണ്ണൂരിലെ സ്വകാര്യ ആശുപത്രിയില് ചികിത്സയിലായിരുന്നു. മൂന്ന് ആഴ്ച മുന്പ് അദ്ദേഹത്തിന് ന്യുമോണിയ ബാധിച്ചിരുന്നു. തുടര്ന്ന് കണ്ണൂരിലെ സ്വകാര്യ ആശുപത്രിയില് ചികിത്സ തേടി. ആ സമയത്ത് കോവിഡ് പരിശോധനാഫലം നെഗറ്റീവായിരുന്നു.
എന്നാല് ന്യുമോണിയ ഭേദമായതിനെത്തുടര്ന്ന് വീട്ടില് വിശ്രമത്തില് കഴിയുകയായിരുന്ന ഉണ്ണിക്കൃഷ്ണന് നമ്ബൂതിരിക്ക് രണ്ട് ദിവസത്തിന് ശേഷം വീണ്ടും പനി ബാധിക്കുകയും തുടര്ന്ന് ആശുപത്രിയില് പ്രവേശിപ്പിക്കുകയുമായിരുന്നു. അപ്പോള് നടത്തിയ പരിശോധനയിലാണ് കോവിഡ് പോസിറ്റീവാണെന്ന് കണ്ടെത്തിയത്.
രണ്ട് ദിവസം ഐ.സി.യുവില് കഴിയേണ്ടി വന്നെങ്കിലും വൈകാതെ ആരോഗ്യം വീണ്ടെടുത്ത് എല്ലാ ആശങ്കകള്ക്കും വിരാമമിട്ട് അദ്ദേഹം തിരിച്ചുവന്നിരിക്കുന്നുവെന്ന് അദ്ദേഹത്തിന്റെ മകന് ഭവദാസന് നമ്ബൂതിരി പറഞ്ഞു.