Advertisment

മാധ്യമ പ്രവര്‍ത്തകനെയും സുഹൃത്തിനെയും ജീവനോടെ ചുട്ടുകൊന്ന മൂന്നു പേര്‍ പിടിയില്‍; മരണം അപകടമരണമെന്ന് വരുത്തി തീര്‍ക്കാന്‍ വീട് കത്തിച്ചത് ആല്‍ക്കഹോള്‍ അടങ്ങിയ സാനിറ്റൈസര്‍ ഉപയോഗിച്ചെന്ന് മൊഴി

New Update

ബൽറാംപുർ: മാധ്യമ പ്രവര്‍ത്തകനെയും സുഹൃത്തിനെയും ചുട്ടുകൊന്ന മൂന്നു പേര്‍ പിടിയില്‍. ലലിത്​ മിശ്ര, കേശവാനന്ദ്​ മിശ്ര അധവാ റിങ്കു, അക്രം അലി എന്നിവരാണ്​ അറസ്​റ്റിലായത്​.

Advertisment

publive-image

രണ്ടുദിവസം മുമ്പാണ്​ 35കാരനായ മാധ്യമപ്രവർത്തകൻ രാകേഷ്​ സിങ്​, സുഹൃത്ത്​ പിൻറു സാഹുവിനെയും വീട്ടിൽ തീകൊളുത്തി മരിച്ച നിലയിൽ കണ്ടെത്തിയത്​. മൂന്നുപേരും കൊലപാതക കുറ്റം സമ്മതിച്ചതായി ബൽറാംപുർ പൊലീസ്​ പറഞ്ഞു.

പ്രതികളിലൊരാളായ കേശവാനന്ദി​െൻറ മാതാവ്​ ഗ്രാമത്തലവയാണ്​. ഇവരുടെ കൈവശം വരുന്ന ഫണ്ടുമായി ബന്ധപ്പെട്ട്​ രാകേഷ്​ സിങ്​ ചില വെളിപ്പെടുത്തലുകൾ നടത്തിയിരുന്നു. ഇതേ തുടർന്ന്​ പ്രതികൾക്ക്​ രാകേഷ്​ സിങ്ങിനോട്​ പക തോന്നി.

പ്രതികൾ ചില സംഭാഷണങ്ങൾ നടത്താനെന്ന പേരിൽ വീട്ടിലെത്തുകയും എല്ലാവരും ചേർന്ന്​ മദ്യം കഴിച്ചശേഷം മാധ്യമപ്രവർത്തകനെയും സുഹൃത്തിനെയും കൊലപ്പെടുത്തുകയുമായിരുന്നു. കൊലപാതകം അപകടമരണമാണെന്ന്​ വരുത്തിതീർക്കാൻ ആൽക്കഹോൾ അടങ്ങിയ സാനിറ്റൈസർ ഉപയോഗിച്ചാണ്​ വീട്​ കത്തിച്ചതെന്ന്​ പ്രതികൾ മൊഴി നൽകി.

 

up murder case
Advertisment