ലക്നോ: ഉത്തര്പ്രദേശില് അനധികൃതമായി പടക്കങ്ങള് വിറ്റതിന് അറസ്റ്റിലായ ആളെ മോചിപ്പിക്കാന് ഉത്തരവിട്ട് മുഖ്യമന്ത്രി യോഗി ആദിത്യനാഥ്. ദീപാവലി തലേന്നായിരുന്നു മുഖ്യമന്ത്രിയുടെ ഉത്തരവ് ഉണ്ടായത്. അനധികൃത പടക്കവില്പ്പനക്കാരന്റെ മകള്ക്ക് മധുരവും സമ്മാനങ്ങളും നല്കിയാണ് ഇയാളെ യാത്രയാക്കിയത്.
തന്റെ പിതാവിനെ അറസ്റ്റ് ചെയ്തുകൊണ്ടുപോകുമ്പോള് മോചിപ്പിക്കണമെന്ന് അപേക്ഷിച്ച് പോലീസ് വാനില് തലയടിക്കുന്ന പെണ്കുട്ടിയുടെ വീഡിയോ സമൂഹമാധ്യമങ്ങളില് വൈറലായിരുന്നു. ഇത് മുഖ്യമന്ത്രിയുടെ ശ്രദ്ധയില് വന്നതോടെയാണ് പടക്കവില്പ്പനക്കാരന് മോചനത്തിന് വഴിയൊരുങ്ങിയത്.
ബുലന്ദേശ്വറിലെ ഖുര്ജയിലായിരുന്നു സംഭവം. വെള്ളിയാഴ്ച ഖുര്ജയില് പോലീസ് നടത്തിയ റെയ്ഡിലാണ് പെണ്കുട്ടിയുടെ പിതാവ് ഉള്പ്പെടെ നിരവധി പേര് പിടിയിലായത്.