തിരുവനന്തപുരം: വാളയാര്‍ സംഭവത്തില്‍ പെണ്‍കുട്ടികള്‍ക്കു നീതി ലഭ്യമാക്കാന്‍ കേസിന്‍റെ പുനരന്വേഷണം സിബിഐക്കു വിടണമെന്നാവശ്യപ്പെട്ടു കെപിസിസി മുന്‍ പ്രസിഡന്‍റ് വി.എം. സുധീരന്‍, മുഖ്യമന്ത്രി പിണറായി വിജയനു കത്തു നല്‍കി.
/ "publive-image")
വാളയാര്‍ കേസില്‍ പ്രതികളെ രക്ഷിക്കാന്‍ ആസൂത്രിതമായി പ്രവര്‍ത്തിച്ച ഡിവൈഎസ്പിക്കെതിരെ ബന്ധപ്പെട്ട വകുപ്പുകള്‍ പ്രകാരം ക്രിമിനല്‍ കേസെടുത്ത് നിയമാനുസൃതമുള്ള പരമാവധി ശിക്ഷ ഉറപ്പുവരുത്തണമെന്നും സര്‍വീസില്‍നിന്ന് പുറത്താക്കണമെന്നും കത്തില്‍ ആവശ്യപ്പെട്ടു.
ആവശ്യമായ തെളിവുകള്‍ ശേഖരിക്കാതെയും യഥാര്‍ഥ സാക്ഷികളെ കോടതി മുമ്പാകെ കൊണ്ടുവരുന്നതില്‍ കള്ളക്കളി നടത്തിയുമുള്ള സാക്ഷികളെക്കൊണ്ടു പരസ്പര വിരുദ്ധമായി മൊഴി നല്‍കിയും പ്രതികളെ രക്ഷിക്കാനായി സംഘടിത ശ്രമങ്ങളും ഇതിനു കൂട്ടുനിന്ന പ്രോസിക്യൂഷന്‍ നടപടികളും അധികാരികളുടെ ഗൂഢനീക്കങ്ങളുമാണ് പ്രതികള്‍ രക്ഷപ്പെടുന്നതിനു സാഹചര്യമൊരുക്കിയത്.
അതിനാല്‍ കേസ് ഹൈക്കോടതിയുടെ നിരീക്ഷണത്തില്‍ സിബിഐയെക്കൊണ്ട് പുനരന്വേഷണം നടത്തണമെന്ന് ഹൈക്കോടതിയില്‍ ആവശ്യപ്പെടാന്‍ സര്‍ക്കാര്‍ തയാറാകണമെന്നും സുധീരന്‍ കത്തില്‍ പറയുന്നു.
Follow Us/sathyam/media/agency_attachments/5VspLzgrB7PML1PH6Ix6.png)
