പാലക്കാട്: വാളയാറിൽ കൊല്ലപ്പെട്ട ബാലികമാർക്ക് നീതി നൽകണമെന്നാവശ്യപ്പെട്ട്
ഗവർണർക്ക് ഭീമഹരജി സമർപ്പിക്കുന്നതിനായി വിമൻ ജസ്റ്റിസ് മൂവ്മെന്റ് ജില്ലാ കമ്മിറ്റിയുടെ നേതൃത്വത്തിൽ സ്റ്റേഡിയം ബസ്റ്റാന്റ് പരിസരത്ത് ഒപ്പുശേഖരണവും പ്രതിഷേധ സംഗമവും നടത്തി.
ജില്ലാ പ്രസിഡണ്ട് ഹാജറ ഇബ്രാഹിം ഉദ്ഘാടനം ചെയ്തു. സെക്രട്ടറി സഫിയ ഇക്ബാൽ അധ്യക്ഷത വഹിച്ചു. ജില്ലാ അസി.സെക്രട്ടറി ശഹീറ വല്ലപുഴ കമ്മിറ്റിയംഗങ്ങളായ സാബിറ ആലത്തൂർ, റഹീമ പത്തിരിപ്പാല, സുമയ്യ പാലക്കാട്, സൈഫുന്നിസ തുടങ്ങിയവർ നേതൃത്വം നൽകി.
ഇയാവശ്യം ഉന്നയിച്ച് കഴിഞ്ഞ ദിവസങ്ങളിൽ മുഖ്യമന്ത്രിയുടെ വസതിയിലേക്ക് മാർച്ച്, പ്രതിഷേധ ചത്വരം തുടങ്ങി വിവിധ സമരപരിപാടികൾ വിമൻ ജസ്റ്റിസ് മൂവ്മെന്റിന്റെ നേതൃത്വത്തിൽ സംഘടിപ്പിച്ചിരുന്നു.