തിരുവനന്തപുരം: വാമനപുരത്ത് ടാങ്കർ ലോറിയും ഓട്ടോയും കൂട്ടിയിടിച്ച് അഞ്ചുപേർക്ക് പരിക്ക്. ഓട്ടോ യാത്രക്കാരായ ദാമോദരൻ (75), ബാലു (56), ഓമന (65), ഗിരിജ (52) ഓട്ടോ ഡ്രൈവർ ബാബു (67) എന്നിവർക്കാണ് പരിക്കേറ്റത്. ടാങ്കറിൽ ഇന്ധനം ഇല്ലാതിരുന്നതിനാൽ വൻ ദുരന്തം ഒഴിവായി.
പുലർച്ചെ ആറോടെയായിരുന്നു അപകടം. കാരേറ്റ് നിന്നും വെഞ്ഞാറമൂട് ഭാഗത്തേയ്ക്ക് വന്ന ഓട്ടോയിൽ എതിർദിശയിൽ നിന്നും നിയന്ത്രണം വിട്ടു വന്ന ടാങ്കർ ലോറി ഇടിച്ചു കയറുകയായിരുന്നു. വെഞ്ഞാറമൂട് പോലീസ് സ്ഥലത്തെത്തി മേൽനടപടികൾ സ്വീകരിച്ചു.