Advertisment

മഹേശന്‍ നിരപരാധി; മൈക്രോ ഫിനാന്‍സ് സ്ഥാപനവുമായി അവനൊരു ബന്ധവുമില്ല,അവന്‍ ഒരു കുറ്റവും ചെയ്തിട്ടില്ല;അറസ്റ്റ് ചെയ്യപ്പെടുമോ എന്ന് അവന്‍ ഭയപ്പെട്ടിരുന്നു; ഇന്ന് മഹേശനെ പൊക്കിപ്പറയുന്ന ആളാണ് മഹേശനെ നശിപ്പിച്ചത്, ഡയറിക്കുറിപ്പിന്റെ കോപ്പി തന്റെ പക്കലുണ്ടെന്ന് വെള്ളാപ്പള്ളി

New Update

ആലപ്പുഴ : തന്റെ വിശ്വസ്തനായ കെകെ മഹേശന്റെ ആത്മഹത്യയില്‍ പ്രതികരിച്ച് വെള്ളാപ്പള്ളി നടേശന്‍ രംഗത്ത്. മഹേശന്‍ നിരപരാധിയാണെന്നും മൈക്രോ ഫിനാന്‍സ് സ്ഥാപനവുമായി അദ്ദേഹത്തിന് യാതൊരു ബന്ധവുമില്ലെന്നും വെള്ളാപ്പള്ളി പറഞ്ഞു. മഹേശന്റെ ഡയറിക്കുറിപ്പിന്റെ കോപ്പി തന്റെ കൈവശം ഉണ്ട്.

Advertisment

publive-image

ചേര്‍ത്തല എസ് എന്‍ഡിപി യൂണിയൻ അഴിമതിയിലും അയാള്‍ക്ക് പങ്കുണ്ടായിരുന്നില്ല. എന്നാല്‍ അതിന്‍റെ പേരില്‍ വ്യക്തിഹത്യ നേരിടേണ്ടിവന്നു. സുഭാഷ് വാസു അടക്കമുള്ളവരാണ് ഇതിനെല്ലാം പിന്നിൽ. ഈ പ്രത്യേക സാഹചര്യത്തിൽ വീട്ടിൽ പോകുന്നത് ശരിയല്ലാത്തതു കൊണ്ടാണ് മഹേശന്റെ വീട്ടിൽ പോകാതിരുന്നതെന്നും വെള്ളാപ്പള്ളി പ്രതികരിച്ചു.

ഡയറിക്കുറിപ്പ് എല്ലാം വ്യക്തമാക്കുന്നതായും മരണത്തില്‍ സിബിഐ അന്വേഷണം വേണമെന്നും വെള്ളാപ്പള്ളി ആവശ്യപ്പെട്ടു. മരിക്കുന്നതിന് മുമ്പ് ഇടക്ക് എന്നെ വിളിച്ചിരുന്നു. താൻ അറസ്റ്റ് ചെയ്യപ്പെടുമോയെന്ന് ഭയപ്പെടുന്നതായി എന്നോട് പറഞ്ഞു.

അങ്ങനെയെങ്കില്‍ ആത്മഹത്യ ചെയ്യുമെന്നും പറഞ്ഞു. ഇന്ന് മഹേശനെ പൊക്കിപ്പറയുന്ന ആളാണ് മഹേശനെ നശിപ്പിച്ചത്. മഹേശന്റെ ഡയറിക്കുറിപ്പിലെ സ്വന്തം കൈപ്പടയിലുള്ള കത്തിൽ അത് വ്യക്തമാണെന്നും വെള്ളാപ്പള്ളി കൂട്ടിച്ചേര്‍ത്തു.

latest news all news kk mahesan death kk mahesan suicide vellappally natesan
Advertisment