ദുബായില്‍ ശക്തമായ മഴയും ആലിപ്പഴ വര്‍ഷവും ; മഴ ആസ്വദിച്ച് ഡ്രൈവ് ചെയ്യുന്ന ദുബായ് രാജകുമാരന്‍ ഷെയ്ഖ് ഹമ്ദാന്റെ വീഡിയോ വൈറലാകുന്നു

ദുബായ് : മഴ ആസ്വദിച്ച് ഡ്രൈവ് ചെയ്യുന്ന ദുബായ് രാജകുമാരന്‍ ഷെയ്ഖ് ഹമ്ദാന്റെ വീഡിയോ വൈറലാകുന്നു. കഴിഞ്ഞ ദിവസം യു.എ.ഇയിയുടെ പലഭാഗങ്ങളിലും ശക്തമായ മഴ പെയ്തിരുന്നു. മഴയോടൊപ്പം ആലിപ്പഴ വര്‍ഷവുമുണ്ടായി. പൊടിക്കാറ്റിന്റെ അകമ്പടിയോടെയാണ് യുഎഇയുടെ വിവിധ ഭാഗങ്ങളില്‍ മഴ പെയ്തത്.

മഴയും തണുത്ത കാലാവസ്ഥയും ആസ്വദിയ്ക്കാനായി ദുബായ് കിരീടാവകാശി ഹമദാന്‍ ബിന്‍ മൊഹമ്മദ് ബിന്‍ റാഷിദ് അല്‍ മക്തും അദ്ദേഹം തന്റെ ക്രൂയിസ് കാറുമായി നഗരം ചുറ്റാനിറങ്ങി.

ഹമദാന്‍ രാജകുമാരന്‍ തന്നെയാണ് മഴപെയ്യുമ്പോള്‍ ഡ്രൈവ് ചെയ്യുന്ന ഫോട്ടോസ് ഇന്‍സ്റ്റാഗ്രാമില്‍ പങ്കുവെച്ചത്. ഒപ്പം യുഎഇയുടെ വിവിധ ഭാഗങ്ങളില്‍ പെയ്ത മഴയെ കുറിച്ചും പൊടിക്കാറ്റിനെ കുറിച്ചുമുള്ള വിവരങ്ങള്‍ അദ്ദേഹം ഇന്‍സ്റ്റാഗ്രാമില്‍ പങ്കവെയ്ക്കുകയും ചെയ്തു.

Video: Sheikh @HamdanMohammed cruises around #Dubai as hail, dust storm hit #UAE https://t.co/Q2QAg4mJF8 pic.twitter.com/oTRLHP3FNz

— Khaleej Times (@khaleejtimes) August 23, 2019