കുടുംബത്തിനൊപ്പമുള്ള യാത്രയില്‍ പത്തുവയസ് പ്രായമുള്ള കുട്ടി കാറോടിക്കുന്ന വീഡിയോ വൈറലാകുന്നു: നടപടിയെടുത്ത് പോലീസ്

ഹൈദരാബാദ്: കുടുംബത്തിനൊപ്പമുള്ള യാത്രയില്‍ പത്തുവയസ് പ്രായമുള്ള കുട്ടി കാറോടിക്കുന്ന വീഡിയോ വൈറലാകുന്നു. ടൈഗര്‍ നീലേഷ് എന്നയാള്‍ ട്രാഫിക് പോലീസിനെ ടാഗ് ചെയ്ത് ട്വിറ്ററിലിട്ട വീഡിയോ നിരവധി പേരാണ് കണ്ടിരിക്കുന്നത്.

ഹൈദരാബാദ് ഔട്ടര്‍റിങ് റോഡിലാണ് സംഭവം. പോലീസിന്റെ ശ്രദ്ധയില്‍പ്പെടാന്‍ കൃത്യമായ സ്ഥലം, തിയതി, സമയം എന്നിവ സഹിതമായിരുന്നു ഇയാള്‍ ട്വീറ്റ് ചെയ്‌തത്‌. വീഡിയോ ഏറെ ചര്‍ച്ച ചെയ്യപ്പെട്ടതോടെ തൊട്ടടുത്ത ദിവസം തന്നെ ഈ വാഹന ഉടമയുടെ പേരില്‍ ചുമത്തിയ ഇ-ചലാന്‍ രസീത് ട്രാഫിക് പോലീസ്‌ പോസ്റ്റ് ചെയ്‌തു. അപകടകരമായ ഡ്രൈവിങ്, പ്രായപൂര്‍ത്തിയാകാത്തയാള്‍ വാഹനമോടിച്ചു, ഉത്തരവുകളുടെ ലംഘനം എന്നീ കുറ്റങ്ങള്‍ ചുമത്തിയാണ് ഇ-ചലാന്‍.

An Act of Stupidity or wilful Recklessnes. Video of outer ring road of Hyd on 8.12.19/ 9.32 Am. How these people riskng their lives n also others moving around. Car driven by kid aged around 10 in the presence of parents. check pics in trailing @hydcitypolice @HYDTP @HYDTraffic pic.twitter.com/N4Pg06b2oZ

— Tiger Neelesh (@TigerNeelesh) December 9, 2019