എറണാകുളം കരയോഗത്തിന്‍റെ വിഷുവിപണന മേള ഏപ്രില്‍ 14 വരെ

ഈ വര്‍ഷത്തെ എറണാകുളം കരയോഗം ടി ഡി എം ഹാളില്‍ ഒരുക്കുന്ന വിഷുവിപണന മേള കരയോഗം പ്രസിഡന്റ് കെ പി കെ മേനോന്‍ ഭദ്രദീപം കൊളുത്തി ഉദ്ഘാടനം ചെയ്തു. ഏപ്രില്‍ 10 ന് ആരംഭിച്ച വിപണന മേള 14 ന് അവസാനിക്കും.

ചടങ്ങില്‍ കരയോഗം ജനറല്‍ സെക്രട്ടറി പി രാമചന്ദ്രന്‍ (വേണു), കെ രാജഗോപാല്‍, കെ ഭവാനി തുടങ്ങിയവര്‍ സംബന്ധിച്ചു. ഏപ്രില്‍ 10, 11, 12, 13, 14 തീയതികളില്‍ രാവിലെ 10 മണി മുതല്‍ 7 മണി വരെ നടക്കുന്ന വിപണന മേളയില്‍ പാലട, വിവിധതരം അച്ചാറുകള്‍, കാളന്‍, പുളിയിഞ്ചി, കൊണ്ടാട്ടങ്ങള്‍ എന്നിവ ലഭ്യമാണ്.