വിശ്വരൂപം ആദ്യ പതിപ്പിന്റെ ഏറെ വിവാദങ്ങള് തീര്ത്താണ് തീയറ്ററിലെത്തിയത്. എന്നാല് പ്രേക്ഷകര് ഈ സിനിമയെ ഇരു കൈയ്യും നീട്ടിയാണ് സ്വീകരിച്ചത്. നാല് ദിവസം കൊണ്ട് 120 കോടിയോളം രൂപയാണ് തിയറ്ററുകളില് നിന്ന് സിനിമ വാരിയത്.
വിശ്വരൂപം ഒന്നാം പതിപ്പിന്റെ തകര്പ്പന് വിജയമാണ് രണ്ടാം ഭാഗം പുറത്തിറക്കാന് കമലിന് പ്രചോദനമായത്. അതിനാല് തന്നെ കമല് ആരാധകര്ക്ക് പ്രതീക്ഷയും ഏറെയാണ്. തമിഴിലും ഹിന്ദിയിലുമായിട്ടാണ് ചിത്രം പുറത്തിറങ്ങുന്നത്.
ചിത്രത്തിന്റെ രചനയും സംവിധാനവും നിര്വഹിച്ചിരിക്കുന്നത് കമല് തന്നെയാണ്. ചിത്രത്തില് മേജര് വിസാം അഹമ്മദ് കാശ്മീരി എന്ന പട്ടാളക്കാരന്റെ വേഷമാണ് കമല് ചെയ്യുന്നത്.
കമലും ചന്ദ്രഹാസനും ചേര്ന്ന് നിര്മ്മിച്ചിരിക്കുന്ന രാഹുല് ബോസ്, പൂജാ കുമാര്, ശേഖര് കപൂര്, അന്ദേര ജറീമിയ, തുടങ്ങി ബോളിവുഡിലെയും കോളിവുഡിലെയും സൂപ്പര് താരനിര തന്നെയാണ് അണിചേരുന്നത്.