കോട്ടയം: ആദ്യകാല നടി കെ.വി ശാന്തി (81) അന്തരിച്ചു. ഇന്ന് പുലര്ച്ചെ തമിഴ്നാട് കോടമ്പക്കത്തായിരുന്നു അന്ത്യം. ഏറ്റുമാനൂര് സ്വദേശിനിയായ ശാന്തി വര്ഷങ്ങളായി കോടമ്ബാക്കത്താണ് താമസം. വാര്ദ്ധക്യസഹജമായ അസുഖത്തെ തുടര്ന്നായിരുന്നു അന്ത്യം. സംസ്കാരം ഇന്ന് വൈകിട്ട് കോടമ്ബാക്കത്ത് നടത്തും.
സത്യന്, പ്രേംനസീര്, മധു, ഷീല, എസ്.പി പിള്ള എന്നിവരോടൊപ്പം അഭിനയിച്ചിട്ടുണ്ട്. 1953ല് പുറത്തിറങ്ങിയ പൊന്കതിര് ആണ് ആദ്യ ചിത്രം. അള്ത്താര, മായാവി, കറുത്തകൈ, കാട്ടുമല്ലിക, കാട്ടുമൈന, ദേവി കന്യാകുമാരി, നെല്ല്, ലേഡി ഡോക്ടര്, അദ്ധ്യാപിക തുടങ്ങി അറുപതിലധികം സിനിമകളില് അഭിനയിച്ചിട്ടുണ്ട്.
മലയാളത്തിന് പുറമേ തമിഴ്, തെലുങ്ക്, കന്നട, ഹിന്ദി ചിത്രങ്ങളിലും സാന്നിദ്ധ്യം അറിയിച്ചിട്ടുണ്ട്. 1975ല് പുറത്തിറങ്ങിയ അക്കല്ദാമ, കാമം ക്രോധം മോഹം എന്നിവയാണ് അവസാനമായി പുറത്തിറങ്ങിയ ചിത്രങ്ങള്.