കൊച്ചി: എറണാകുളം ജില്ലയില് ജനങ്ങള് ജാഗ്രത പുലര്ത്തിയില്ലെങ്കില് സ്ഥിതി വഷളാകുമെന്ന മുന്നറിയിപ്പുമായി മന്ത്രി വിഎസ് സുനില്കുമാര്. ജില്ലയില് നിലവില് സമൂഹ വ്യാപന ഭീഷണിയില്ലെങ്കിലും ആശങ്ക ഒഴിഞ്ഞിട്ടില്ലെന്നും മന്ത്രി വ്യക്തമാക്കി.
ചെല്ലാനത്ത് സ്ഥിതി സങ്കീർണ്ണമാണ്. ഇവിടെ കൂടുതൽ കോവിഡ് പരിശോധന നടത്തും. ചെല്ലാനം മേഖലയിൽ നിന്നും കൂടുതൽ മേഖലയിലേക്ക് രോഗം വ്യാപിക്കാതിരിക്കാൻ വേണ്ടിയുള്ള ശ്രമമാണ് സർക്കാർ നടത്തുന്നത്.
ജില്ലയിലെ തീരദേശത്ത് ലോക്ക്ഡൗൺ ഏർപ്പെടുത്താൻ തീരുമാനിച്ചിട്ടില്ല. തീരദേശ ലോക്ക്ഡൗണിൽ സർക്കാർ തീരുമാനം വന്നശേഷം പരിഗണിക്കും. തീരദേശത്ത് ആളുകൾ തിങ്ങിപ്പാർക്കുന്നതിനാൽ വൈറസ് ബാധ കത്തിപ്പടരാൻ സാധ്യതയുണ്ട്.
അതിനാൽ കടുത്ത നിയന്ത്രണം പുലർത്താൻ ജനങ്ങൾ ശ്രദ്ധിക്കണം. എറണാകുളം മാർക്കറ്റ് നിയന്ത്രണങ്ങളോടെ ഞായറാഴ്ച തുറക്കുമെന്നും മന്ത്രി അറിയിച്ചു.