കല്പ്പറ്റ: കനത്ത മഴയെ തുടര്ന്ന് ഉരുള്പ്പൊട്ടിയ വയനാട് മേപ്പാടി പുത്തുമലയില് 50 ഓളം പേര് കുടുങ്ങിക്കിടക്കുന്നതായി റിപ്പോര്ട്ടുകള്. ഇവിടെ രക്ഷാ പ്രവര്ത്തനം തുടങ്ങിയതായി വിവരമില്ല. കള്ളാടി മേഖല വരെ മാത്രമാണ് ഇപ്പോഴും പോകാന്കഴിയുന്നത്.
എം.എല്.എയും സബ്കളക്ടറും ഉള്പ്പടെയുള്ളവര്കള്ളാടിയിലുണ്ട്. ഇന്നലെ ഫോറസ്റ്റ് ഓഫീസിലേക്ക് മാറ്റി താമസിപ്പിച്ചവരെ കൂടുതല് സുരക്ഷിതമായസ്ഥലത്തേക്ക് മാറ്റാനുള്ള ശ്രമത്തിലാണ് രക്ഷാപ്രവര്ത്തകര്.
സൈന്യത്തെ ഉള്പ്പെടെ ഉപയോഗിച്ച് പ്രദേശത്ത് തിരച്ചില് ആരംഭിക്കും. മണ്ണ് മാറ്റുന്നതിനിടെ
വീണ്ടും മണ്ണ് ഇടിയുന്നത് രക്ഷാ പ്രവര്ത്തനത്തെ കഠിനമാക്കുന്നു.