New Update
ന്യൂഡല്ഹി: രാജ്യം നടുങ്ങിയ ഭീകരാക്രമണത്തില് വീരമൃത്യുവരിച്ച ധീരജവാന്മാരുടെ ഭൗതികശരീരങ്ങള് രാജ്യതലസ്ഥാനത്തെത്തിച്ചു. ഡല്ഹിയിലെ പാലം വിമാനത്താവളത്തിലാണ് മൃതദേഹങ്ങള് എത്തിച്ചിരിക്കുന്നത്.
വൈകിട്ട് 7.30ഓടെ വിമാനത്താവളത്തിലെത്തിച്ച ഭൗതിക ശരീരങ്ങളില് പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി രാജ്നാഥ് സിംഗ്, പ്രതിരോധമന്ത്രി നിര്മല സീതാരാമന്, കോണ്ഗ്രസ് അധ്യക്ഷന് രാഹുല് ഗാന്ധി, സൈനിക മേധാവി ബിപിന് റാവത്, കേന്ദ്രമന്ത്രിമാര്, ഡല്ഹി മുഖ്യമന്ത്രി അരവിന്ദ് കേജരിവാള് തുടങ്ങിയവര് ആദരാഞ്ജലികള് അര്പിച്ചു.
പാലം വിമാനത്താവളത്തിലെ ടെക്നിക്കല് ഏരിയയില് പ്രത്യേകം തയാറാക്കിയ ചടങ്ങിലാണ് പ്രധാനമന്ത്രിയും മറ്റുള്ളവരും രാജ്യത്തിന്റെ ആദരാഞ്ജലികള് അര്പിച്ചത്. ഇവിടെ നിന്ന് നടപടികള് പൂര്ത്തിയാക്കി മൃതദേഹങ്ങള് വീരമൃത്യുവരിച്ച സൈനികരുടെ നാടുകളിലേക്ക് എത്തിക്കുമെന്നാണ് വിവരം.
#WATCH live from Delhi: Wreath laying ceremony of the CRPF jawans at Palam Airport. #PulwamaAttack https://t.co/WF8fVaDjX6
— ANI (@ANI) February 15, 2019