ബംഗളൂരു: കർണാടക മുൻ മുഖ്യമന്ത്രിയും ബിജെപിയുടെ മുതിർന്ന നേതാവുമായ ബി.എസ് യെദ്യൂരപ്പയുടെ ഹെലികോപ്റ്ററിൽ തെരഞ്ഞെടുപ്പ് സ്ക്വാഡിന്റെ മിന്നൽ പരിശോധന. ശിവമോഗ ജില്ലയിലെ ഹെലിപാഡിൽ ഇറങ്ങിയ ഹെലികോപ്റ്ററിൽ ഉണ്ടായിരുന്ന ബാഗുകളാണ് പരിശോധിച്ചത്.
കർണാടകയിലെ രണ്ടാം ഘട്ട തെരഞ്ഞെടുപ്പിന്റെ പ്രചരണത്തിനായി എത്തിയതായിരുന്നു യെദ്യൂരപ്പ. മുഖ്യമന്ത്രി പദത്തിനായി യെദ്യൂരപ്പ കോഴ നൽകിയെന്ന ആരോപണം ശക്തമാകുന്നതിനിടെയാണ് മിന്നൽ പരിശോധന ഉണ്ടായിരിക്കുന്നത്.