ദില്ലി: അയോധ്യയില് രാമക്ഷേത്ര നിര്മ്മാണത്തിന് നാളെ തുടക്കമാകും. പ്രധാനമന്ത്രിയുടെ സന്ദര്ശനത്തോടനുബന്ധിച്ച് ക്ഷേത്രനഗരിയുടെ സുരക്ഷ കേന്ദ്രസേന ഏറ്റെടുത്തു. കൊവിഡിന്റെ പിടിയിലാണെങ്കിലും നഗരം ഭൂമി പൂജക്കായി ഒരുങ്ങിക്കഴിഞ്ഞു.
നാളെ പതിനൊന്ന് മണിയോടെ ക്ഷേത്രനഗരിയിലെത്തുന്ന പ്രധാനമന്ത്രി ആദ്യം ഹനുമാന് ക്ഷേത്രത്തില് സന്ദര്ശനം നടത്തും. പത്ത് മിനിട്ട് നേരം അവിടെ ചെലവഴിക്കും. തുടര്ന്ന് പതിനൊന്നരയോടെ ഒരു മണിക്കൂര് നീളുന്ന ഭൂമിപൂജ. ഭൂമി പൂജക്ക് ശേഷം ക്ഷേത്ര മുറ്റത്ത് പ്രധാനമന്ത്രി പാരിജാത തൈ നടും.
ആര്എസ്എസ് മേധാവി മോഹന്ഭാഗവത്, ഉത്തര്പ്രദേശ് മുഖ്യമന്ത്രി യോഗി ആദിത്യനാഥടക്കം 5 പേരേ പ്രധാനമന്ത്രിക്കൊപ്പം വേദിയിലുണ്ടാകൂ. 150 ക്ഷണിതാക്കളില് 133 പേരും സന്യാസിമാരാണ്. ഇവര്ക്കൊപ്പം ഉത്തര് പ്രദേശ് സുന്നി വഖഫ് ബോര്ഡ് ചെയര്മാര്, സഫര് ഫറൂക്കിയും, കേസിലെ പ്രധാനഹര്ജിക്കാരനായ ഇക്ബാല് അന്സാരിയും ചടങ്ങിന് സാക്ഷിയാകും.