കാഠ്മണ്ഡു: യോഗയുടെ ഉത്ഭവം ഇന്ത്യയിലല്ലെന്നും, നേപ്പാളിലാണെന്നും അവകാശവാദവുമായി നേപ്പാള് പ്രധാനമന്ത്രി കെ.പി. ശര്മ ഒലി. യോഗ കണ്ടുപിടിക്കപ്പെട്ട സമയത്ത് ഇന്ത്യ എന്ന രാജ്യം ഉണ്ടായിരുന്നില്ലെന്നും ഇന്ത്യ നിരവധി നാട്ടുകാര്യങ്ങളായിരുന്ന കാലത്തുതന്നെ നേപ്പാളില് ജനങ്ങള് യോഗ ചെയ്തിരുന്നതായും ഒലി പറഞ്ഞു.
" യോഗയുടെ ഉത്ഭവം നേപ്പാളിലോ ഉത്തരാഖണ്ഡിന് സമീപത്തോ ആണ്. യോഗയുടെ കാര്യത്തില് ശരിയായ രീതിയില് അവകാശവാദം ഉന്നയിക്കാന് നമുക്ക് കഴിഞ്ഞിട്ടില്ല. യോഗയെ അന്താരാഷ്ട്ര തലത്തില് എത്തിക്കാനും നമുക്ക് കഴിഞ്ഞില്ല. ഇന്ത്യന് പ്രധാനമന്ത്രി നരേന്ദ്ര മോദിയാണ് യോഗയ്ക്ക് രാജ്യാന്തര പ്രശസ്തി നല്കിയത്." -ഒലി പറഞ്ഞു.
ശ്രീരാമന് ജനിച്ചത് നേപ്പാളിലാണെന്ന പ്രസ്താവന ഒലി ആവര്ത്തിക്കുകയും ചെയ്തതായി വാര്ത്താ ഏജന്സി റിപ്പോര്ട്ടു ചെയ്തു.