ന്യൂയോര്ക്ക്: ടെന്നീസ് ഇതിഹാസം സെറീന വില്യംസ് യുഎസ് ഓപ്പണ് സെമിയില് കടന്നു.
ചൈനയുടെ വാംഗ് ക്വിയാംഗിനെ തോല്പ്പിച്ചാണ് അമേരിക്കന് താരം സെമിയില് കടന്നത്. നേരിട്ടുള്ള സെറ്റുകള്ക്ക് അനായാസമായിരുന്നു വിജയം. സ്കോര്: 6-1, 6-0.
എതിരാളിയെ നിലപരിശാക്കി സെറീന മത്സരം 44 മിനിറ്റിനുള്ളില് തീര്ത്തു. മുപ്പത്തിയേഴുകാരിയായ സെറീന 25 വിന്നറുകളാണ് മത്സരത്തില് പായിച്ചത്. സെമിയില് അഞ്ചാം സീഡ് എലിന സ്വിറ്റോളിനയാണ് സെറീനയുടെ എതിരാളി.