മനാമ: സനാബിസിലെ ദാന മാളില് എപ്പിക്സ് സിനിമാസിന്റെ ഉദ്ഘാടനം ചെയ്തു. ശൈഖ് ഖാലിദ് ബിന് അബ്ദുല്ല ആല് ഖലിഖ ഉദ്ഘാടനം നിര്വഹിച്ചു.
ലുലു ഗ്രൂപ്പ് ചെയര്മാനും മാനേജിങ് ഡയറക്ടറുമായ എ.എ. യൂസഫലി, ദാദാബായ് ഹോള്ഡിങ് ചെയര്മാന് അബ്ബാസ് ദാദാബായ്, മാനേജിങ് ഡയറക്ടര്മാരായ ഖുതുബ് ദാദാബായ്, ഹാതിം ദാദാബായ് തുടങ്ങിയവര് പങ്കെടുത്തു.
വിനോദ വ്യവസായ രംഗത്ത് നിക്ഷേപം നടത്തിയ ദാദാബായ് ഹോള്ഡിംഗിനെ എം.എ. യൂസഫലി അഭിനന്ദിച്ചു. 10 മില്യണ് മുതല്മുടക്കിലാണ് എപ്പിക്സ് സിനിമാസ് നിര്മിച്ചിരിക്കുന്നത്. 10 സ്ക്രീനുകളും 1125 സീറ്റുകളും എപ്പിക്സ് സിനിമാസിലുണ്ട്. അത്യാധുനിക സാങ്കേതിക വിദ്യയുടെ അടിസ്ഥാനത്തിലാണ് പ്രൊജക്ഷന്.
ലേസര് പ്രൊജക്ഷന്, ഡോള്ബി അറ്റ്മോസ് 3-ഡി സറൗണ്ട് തുടങ്ങിയ പ്രത്യേകതകളുമുണ്ട്. മികവുറ്റ സീറ്റിങ് സംവിധാനമാണ് ഒരുക്കിയിട്ടുള്ളത്. വിപുലമായ മെനുവും ഓണ്-കോള് ബട്ട്ലര് സേവനവും ലഭ്യമാണ്.