ചീര കൃഷി ചെയ്യാം... 

ഒരുപാട് ആരോഗ്യ ഗുണങ്ങളുള്ള ഒന്നാണ് ഇലക്കറികളില്‍ പ്രധാനിയാണ് ചീര. ജൈവ കൃഷിയില്‍ ഏറ്റവും പ്രധാന്യമര്‍ഹിക്കുന്ന ഒന്നാണ് ചീര. ചീരക്കൃഷിക്ക് പ്രത്യേക കാലാവസ്ഥയില്ല എന്നുള്ളതാണ് ഏറ്റവും വലിയ പ്രത്യേകത. എല്ലാ കാലത്തും ഇത് കൃഷി ചെയ്യാം.

കേരളത്തില്‍ കൃഷി ചെയ്യുന്ന ഇനങ്ങളില്‍ അരുണ്‍, മോഹിനി, കൃഷിശ്രീ, കണ്ണാറ നാടന്‍ എന്നിവ ഉള്‍പ്പെടും. വിത്ത് പാകുന്നതിന് മുമ്പ് കൃഷിത്തടം നന്നായി സൂര്യപ്രകാശം കൊള്ളിക്കുന്നത് മണ്ണില്‍ നിന്നുണ്ടാകുന്ന പല തരത്തിലുള്ള രോഗങ്ങളെ പ്രതിരോധിക്കാന്‍ സഹായിക്കും. കീടങ്ങളെ ഒഴിവാക്കാന്‍ ഒരു ഗ്രാം സ്യൂടോമോണസ് പൊടി വിത്തുമായി കലര്‍ത്തുന്നത് നല്ലതാണ്. ചീരക്കൃഷി ഘട്ടങ്ങളായി ചെയ്യുന്നതെങ്ങനെയെന്ന് അറിയാം.

വിത്ത് ശേഖരണം

പാകമായ നന്നായി ഉണങ്ങിയ വിത്തുകള്‍ ശേഖരിക്കണം. ഒന്നുകില്‍ നിങ്ങള്‍ക്ക് ഇത് വില്‍പ്പനക്കാരില്‍ നിന്നോ, മാതൃ സസ്യങ്ങളില്‍ നിന്നോ ശേഖരിക്കാം. കൂട്ടം പോലെയുള്ള പൂക്കളില്‍ ശേഖരിക്കാന്‍ എളുപ്പമുള്ള ധാരാളം വിത്തുകള്‍ അടങ്ങിയിരിക്കുന്നു.

വിതയ്ക്കുന്നതിന് തയ്യാറാക്കല്‍

വിത്ത് പാകാനുള്ള ഒരു മാധ്യമം തയ്യാറാക്കലാണ്. 1: 1: 1 എന്ന അനുപാതത്തില്‍ മണലും വളവും കലര്‍ന്ന മണ്ണ് ഉപയോഗിക്കാം. ഏതെങ്കിലും ജൈവ വളമോ നന്നായി ഉണക്കി പൊടിച്ച ചാണകമോ ഉപയോഗിക്കാം. വിത്ത് പാകുന്നതിന് മുമ്പ് കൃഷിത്തടം നന്നായി സൂര്യപ്രകാശം കൊള്ളിക്കുന്നത് നല്ലതാണ്. കൃഷി സ്ഥലം നന്നായി കിളച്ച് നിരപ്പാക്കേണ്ടത് അത്യാവശ്യമാണ്. വയലുകളില്‍ ചീരക്കൃഷി ചെയ്യുന്നത് വിളവ് കൂടുതല്‍ കിട്ടാന്‍ അനുയോജ്യമാണ്.

വിത്ത് വിതയ്ക്കല്‍

വിത്തുകള്‍ ശ്രദ്ധാപൂര്‍വ്വം വിതയ്ക്കാന്‍ ശ്രദ്ധിക്കണം. ഉറുമ്പുകളുടെ ആക്രമണം ഒഴിവാക്കാന്‍ വിത്ത് കുറച്ച് റവയോ ചതച്ച ചോറിലോ മിക്സ് ചെയ്യണം. വയലിലോ അല്ലെങ്കില്‍ കൃഷി സ്ഥലങ്ങളിലോ അല്ലെങ്കില്‍ വെള്ളം ഉള്‍ക്കൊള്ളുന്ന ഒരു വലിയ ട്രേയില്‍ ഇട്ട് മുളപ്പിക്കാം. അമിതമായി നനയ്ക്കരുത്. ഇതു വിത്തുകള്‍ നശിക്കാനിടയാകും. സാധാരണയായി നാലോ അഞ്ചോ ദിവസത്തിനുള്ളില്‍ വിത്തുകള്‍ മുളക്കും.

തൈകള്‍ മാറ്റണം

മണ്ണില്‍ തൈകള്‍ വീണ്ടും നടാന്‍ സ്റ്റെപ്പ് 2-ല്‍ പറഞ്ഞിരിക്കുന്ന അതേ അനുപാതത്തില്‍ മീഡിയം നിലനിര്‍ത്തണം. ചെടിക്ക് നല്ല സൂര്യപ്രകാശം ആവശ്യമാണ്. തൈകള്‍ രണ്ടിഞ്ച് ഉയരത്തില്‍ എത്തുമ്പോള്‍ തന്നെ മാറ്റി നടാം. മാത്രമല്ല ചെടിച്ചട്ടികളിലും ഗ്രോ ബാഗുകളിലും ഇത് നന്നായി വളരും. തൈകള്‍ ഒന്നിനുപുറകെ ഒന്നായി

പിഴുതെടുത്ത് തടത്തില്‍ നടണം 

തൈകള്‍ നട്ടുപിടിപ്പിക്കാന്‍ ഏറ്റവും അനുയോജ്യമായ സമയം വൈകുന്നേരമാണ്. ചൂടുള്ള വെയിലില്‍ മണ്ണ് ഉണങ്ങാന്‍ സാധ്യതയുണ്ട്. ആവശ്യമെങ്കില്‍ നേരിയ തണല്‍ നല്‍കണം.  നട്ട് കഴിഞ്ഞ ശേഷം പതിവായി നനയ്ക്കണം. പ്രത്യേകിച്ച് രാവിലെയും വൈകുന്നേരവും.

നനയ്ക്കുമ്പോള്‍ വെള്ളം ചെടിയുടെ ചുവട്ടില്‍ ഒഴിക്കണം. ഇടയ്ക്കിടെ വളം, ഉണക്കി പൊടിച്ച ചാണകം ചേര്‍ക്കണം. നിങ്ങളുടെ ചെടികളുടെ ആരോഗ്യം നിലനിര്‍ത്താന്‍ കളനിയന്ത്രണം ആവശ്യമാണ്. പുഴുക്കളെ ഇല്ലാതാക്കാന്‍ ചെടികളില്‍ കണ്ട് തുടങ്ങുന്ന സമയത്ത് തന്നെ വേപ്പിന്‍ കുരു സത്ത് തളിക്കാം. മുപ്പത്തതോ മുപ്പത്തഞ്ചോ ദിവസങ്ങള്‍ക്ക് ശേഷം വിളവെടുക്കാം.