/)
മോസ്കോ: റഷ്യ ലോകകപ്പിന്‍റെ പ്രീ ക്വാര്‍ട്ടര്‍ ലൈനപ്പായി. നിലവിലെ ചാമ്ബ്യന്‍മാരായ ജര്‍മനി നോക്കൗട്ട് കാണാതെ പുറത്തായതൊഴിച്ചാല്‍ ഗ്രൂപ്പ് ഘട്ടത്തില്‍ വമ്ബന്‍ അട്ടിമറികളൊന്നും സംഭവിച്ചില്ല. റഷ്യ പ്രതീക്ഷിച്ചവരെല്ലാം അവസാന 16 ല്‍ എത്തി. ശനിയാഴ്ച ഫ്രാന്‍സ്-അര്‍ജന്‍റീന മത്സരത്തോടെയാണ് പ്രീ ക്വാര്‍ട്ടര്‍ ആരംഭിക്കുക.
അര്‍ജന്‍റീന തപ്പിത്തടഞ്ഞ് നോക്കൗട്ടിലെത്തിയപ്പോള്‍ ഗ്രൂപ്പ് ചാമ്ബ്യന്‍മാരായാണ് ഫ്രാന്‍സ് എത്തുന്നത്. അവാസ ഗ്രൂപ്പ് മത്സരത്തില്‍ പ്രമുഖര്‍ക്കെല്ലാം ഫ്രാന്‍സ് വിശ്രമം നല്‍കിയിരുന്നു. എന്നാല്‍ അര്‍ജന്‍റീനയ്ക്കു അവസാന മത്സരം മരണക്കളിയായിരുന്നു. മെസി, മഷരാനോ എന്നിവരടക്കം മഞ്ഞക്കാര്‍ഡ് കണ്ടതും അര്‍ജന്‍റീനയ്ക്കു വെല്ലുവിളി ഉയര്‍ത്തുന്നുണ്ട്.
ശനിയാഴ്ച രണ്ടാം മത്സരത്തില്‍ ലൂയി സുവാരസിന്‍റെ ഉറുഗ്വെ ക്രിസ്റ്റ്യാനോയുടെ പോര്‍ച്ചുഗലിനെ നേരിടും. സോച്ചിയിലെ ഫിഷ്റ്റ് ഒളിമ്ബിക് സ്റ്റേഡിയത്തില്‍ ഇന്ത്യന്‍ സമയം രാത്രി 11.30 ന് ആണ് മത്സരം. ഞായറാഴ്ച സ്പെയിന്‍ ആതിഥേയരായ റഷ്യയെ നേരിടും. മോസ്കോയിലെ ലുഷ്നുകി സ്റ്റേഡിയത്തില്‍ ഇന്ത്യന്‍ സമയം രാത്രി 7.30ന് ആണ് മത്സരം. അന്ന് രണ്ടാം മത്സരത്തില്‍ ക്രൊയേഷ്യ ഡെന്‍മാര്‍ക്കിനെ നേരിടും.
തിങ്കാള്ചയാണ് ബ്രസീല്‍ കളത്തിലിറങ്ങുന്നത്. സമാര അരീനയില്‍ മെക്സിക്കോയെ ബ്രസീല്‍ നേരിടും. ഇന്ത്യന്‍ സമയം രാത്രി 7.30 ന് മത്സരം ആരംഭിക്കും. തിങ്കളാഴ്ച രണ്ടാം മത്സരത്തില്‍ ബല്‍ജിയം ജപ്പാനുമായി ഏറ്റുമുട്ടും. അവസാന മത്സരത്തില്‍ ഇംഗ്ലണ്ടിനെ വീഴ്ത്തി ഗ്രൂപ്പ് ചാമ്ബ്യന്‍മാരായാണ് ലൂക്കാക്കുവിന്‍റെ ബെല്‍ജിയം എത്തുന്നത്.
അവസാന പ്രീ ക്വാര്‍ട്ടര്‍ മത്സരങ്ങള്‍ ചൊവ്വാഴ്ചയാണ്. ചൊവ്വാഴ്ച ആദ്യ കളി സ്വീഡനും സ്വിറ്റ്സര്‍ലന്‍ഡും തമ്മിലാണ്. അവസാന പ്രീ ക്വാര്‍ട്ടറില്‍ കൊളംബിയ ഇംഗ്ലണ്ടുമായി ഏറ്റുമുട്ടും. മോസ്കോയില്‍ ഇന്ത്യന്‍ സമയം രാത്രി 11.30 ന് മത്സരം ആരംഭിക്കും.
Follow Us/sathyam/media/agency_attachments/5VspLzgrB7PML1PH6Ix6.png)
