ഒരുകാലത്ത് ലോകത്തിലെ ഏറ്റവും വലിയ ധനികനായിരുന്ന മൈക്രോസോഫ്റ്റ് സ്ഥാപകന്‍ ബില്‍ ഗേറ്റ്‌സിന് 105 ബില്യണ്‍ ഡോളറിന്റെ (8.7 ലക്ഷം കോടിയിലധികം) ആസ്തിയുണ്ട്. 2020-ല്‍ അദ്ദേഹം മൈക്രോസോഫ്റ്റ് ബോര്‍ഡില്‍ നിന്ന് പടിയിറങ്ങിയെങ്കിലും ലോകത്തിലെ ഏറ്റവും വലിയ കമ്പനികളിലൊന്നില്‍ ഇപ്പോഴും 1.3% ഓഹരിയുണ്ട്. യുഎസിലെ ഏറ്റവും വലിയ കൃഷിഭൂമി ഉടമകളില്‍ ഒരാള്‍ കൂടിയാണ് അദ്ദേഹം.
/sathyam/media/post_attachments/hJVDUnmTAOxI8q83IfZK.jpg "publive-image")
ബില്‍ ഗേറ്റ്സും ഭാര്യ മെലിന്‍ഡയും 2021-ല്‍ തങ്ങളുടെ 27 വര്‍ഷത്തെ ദാമ്പത്യം അവസാനിപ്പിച്ചു. ദമ്പതികള്‍ക്ക് മൂന്നു മക്കളാണ്. ജെന്നിഫര്‍ കാതറിന്‍ ഗേറ്റ്സ് (26), ഫീബ് അഡെല്‍ ഗേറ്റ്സ് (20), റോറി ജോണ്‍ ഗേറ്റ്സ് (23).
ഒരു ശതകോടീശ്വരനായ പിതാവിന് ജനിച്ചിട്ടും മൂന്ന് മക്കള്‍ക്കും കോടിക്കണക്കിന് സ്വത്തിന്റെ അനന്തരാവകാശം ലഭിക്കില്ല. അവര്‍ക്ക് പിതാവിന്റെ ഭീമാകാരമായ സമ്പത്തിന്റെ 1 ല്‍ താഴെ ശതമാനം മാത്രമേ ലഭിക്കൂ. ബില്‍ ഗേറ്റ്സിന്റെ സമ്പത്തിന്റെ ഭൂരിഭാഗവും ബില്‍ ആന്‍ഡ് മെലിന്‍ഡ ഗേറ്റ്സ് ഫൗണ്ടേഷനു വേണ്ടി നീക്കിവച്ചിരിക്കുന്നതാണ്. അദ്ദേഹവും അദ്ദേഹത്തിന്റെ മുന്‍ ഭാര്യയും വിവാഹമോചനത്തിനു ശേഷവും ഇപ്പോഴും സഹകാരികളാണ്.
2014ല്‍ ഗേറ്റ്സ് തന്റെ വലിയ സമ്പത്തിന്റെ വലിയൊരു ഭാഗം മക്കള്‍ക്കായി വിട്ടുകൊടുക്കുന്നില്ല എന്ന് വെളിപ്പെടുത്തി. ഭീമമായ തുകകള്‍ നല്‍കുന്നത് തന്റെ മക്കള്‍ക്ക് ഉപകാരമാകില്ലെന്ന് ഗേറ്റ്സ് പറഞ്ഞിരുന്നു. മറ്റൊരു കോടീശ്വരനില്‍ നിന്നാണ് ഈ ആശയം ലഭിച്ചത്.
'കുട്ടികള്‍ക്ക് വന്‍തോതില്‍ പണം നല്‍കുന്നത് നല്ലതല്ലെന്ന് ഞാന്‍ തീര്‍ച്ചയായും കരുതുന്നു. 1986 ല്‍ ഞാന്‍ വാറന്‍ ബഫറ്റിനെ കാണുന്നതിന് മുമ്പ് അത് എന്നെ ചിന്തിക്കാനും തീരുമാനിക്കാനും പ്രേരിപ്പിച്ചു. മൂന്ന് കുട്ടികള്‍ക്കും 10 മില്യണ്‍ ഡോളര്‍ വീതം (ഓരോരുത്തര്‍ക്കും 83 കോടി രൂപ) അനന്തരാവകാശമായി ലഭിക്കുമെന്ന് അദ്ദേഹം വെളിപ്പെടുത്തി.
Follow Us/sathyam/media/agency_attachments/5VspLzgrB7PML1PH6Ix6.png)
