സംഗീത സംവിധായകൻ വഞ്ചിച്ചു, കങ്കുവ ഞാൻ സംവിധാനം ചെയ്യാനിരുന്ന ചിത്രം: വെളിപ്പെടുത്തി ബാല

 സിനിമയിൽ സജീവമാകാൻ ഒരുങ്ങുകയാണ് ബാല. സൂര്യ നായകനായ കങ്കുവ സംവിധാനം ചെയ്യേണ്ടിയിരുന്നത് താനായിരുന്നെന്ന് പറയുകയാണ് ബാല. ഫിലിമിബീറ്റ്സിന് നൽകിയ അഭിമുഖത്തിലാണ് ബാല ഇക്കാര്യം വെളിപ്പെടുത്തിയത്. ഒപ്പം കഴിഞ്ഞ പടത്തിൽ ഒരു സംഗീത സംവിധായകൻ തന്നെ പ്രൊഫഷണലായി വഞ്ചിച്ചെന്നും ബാല പറഞ്ഞു.

'ഞാൻ ഒരു തമിഴ് സിനിമ സംവിധാനം ചെയ്യാനിരുന്നതാണ്. സൂര്യ നായകനായ കങ്കുവ, എന്റെ സഹോദരനാണ് ഇപ്പോൾ സംവിധാനം ചെയ്യുന്നത്. തുടക്കത്തിൽ ഞാൻ സംവിധാനം ചെയ്യാനിരുന്ന സിനിമയാണ്. പക്ഷെ ആരോഗ്യ പ്രശ്‌നങ്ങൾ കാരണം ചെയ്യാൻ സാധിച്ചില്ല. ഇപ്പോൾ നിങ്ങളുടെ എല്ലാവരുടേയും പ്രാർത്ഥന കാരണം തിരിച്ച് വന്നിരിക്കുകയാണ്. ഒരു സിനിമ സംവിധാനം ചെയ്യുകും നിർമ്മിക്കുകയും അഭിനയിക്കുകയും ചെയ്യുകയാണ്.'

മുമ്പത്തെ പടത്തിലൊരു സംഗീത സംവിധായകനെ ഞാൻ കമ്മിറ്റ് ചെയ്തിരുന്നു. അദ്ദേഹം ചെയ്ത ദ്രോഹം എന്റെ മനസിൽ വലിയ സങ്കടമുണ്ടാക്കി. ആ സംഗീത സംവിധായകനെ നിങ്ങൾക്ക് അറിയാൻ പറ്റും. ഞാൻ ജീവിതത്തെക്കുറിച്ചല്ല പറയുന്നത്. പ്രൊഫഷണൽ കാര്യമാണ്. പ്രൊഫഷണൽ ജീവിതത്തിലായിരുന്നു ദ്രോഹം ചെയ്തത്' ബാല പറഞ്ഞു.