'തൽസമയം ഷോട്ട് ഫിക്ഷൻ' ചിത്രീകരണം പൂർത്തിയായി

പ്രശസ്ത പ്രൊഡക്ഷൻ എക്സിക്യൂട്ടീവ് അരവിന്ദൻ നെല്ലുവായ് കഥ, തിരക്കഥ, സംവിധാനം നിർവഹിച്ച തത്സമയം ഷോട്ട് ഫിക്ഷൻ ചിത്രീകരണം പൂർത്തിയായി. പ്രകൃതി രമണീയമായ നെല്ലുവായ് ഗ്രാമത്തിൻ്റെ കഥ പറയുന്ന ചിത്രമാണിത്. പ്രകൃതിയും മനുഷ്യനും മണ്ണും ആവാസവ്യവസ്ഥയും  ഈ കഥയിലൂടെ ഓർമ്മപ്പെടുത്തുന്നു.

കാർഷിക ഗ്രാമത്തിലെ കർഷക കുടുംബസ്ഥനായ സഹദേവൻ്റെയും മകൾ ജയയയുടെയും ആത്മബന്ധത്തിൻ്റെ കഥ പറയുന്ന ചിത്രം അരവിന്ദൻ ഫെയ്സ് ഗ്യാലറിയുടെ ബാനറിൽ ഒരു ജനകീയ സിനിമയായിട്ടാണ് പ്രദർശനത്തിന് എത്തിക്കുന്നത്.

ഛായാഗ്രഹകൻ മണികണ്ഠൻ വടക്കാഞ്ചേരി- ക്യാമറയും, സജീഷ് നമ്പൂതിരി (ചേതന)- എഡിറ്റിങ്, സിജിൻ കൊടകര- മേയ്ക്കപ്പ്, ബ്യുസി ബേബി ജോൺ- കോസ്റ്റ്യൂം, പശ്ചാത്തല സംഗീതം- അനീഷ് നോബർട്ട് ആന്റോ, ആർട്ട്- രാജേഷ് വടക്കാഞ്ചേരി, ചീഫ്  അസോസിയേറ്റ് ഡയറക്ടർ-  ബിവിൻ ബാലകൃഷ്ണൻ, പി.ആർ.ഒ- പി.ശിവപ്രസാദ് എന്നിവരാണ് മറ്റ് അണിയറ പ്രവർത്തകർ.

അനിൽ കമലാകൃഷ്ണൻ, ദേവപ്രസാദ്, പ്രതാപൻ, സുനിൽകുമാർ, സത്യജിത്ത്, പ്രണവ്  മുംബൈ, രേഷ്‌മ നായർ , ലങ്കാലക്ഷ്മി, കൊടുമ്പ്  മുരളി, വിജോ  അമരാവതി, രമാദേവി, ദേവകിയമ്മ, കോമളവല്ലി, എലിസബത്ത്, വൈശാഖ് , പ്രമോദ്  പടിയത്ത്  തുടങ്ങി അമ്പതോളം താരങ്ങൾ ഇതിൽ അഭിനയിക്കുന്നു. ഡിസംബർ മാസത്തിൽ ചിത്രം റിലീസ് ചെയ്യും.

റിപ്പോര്‍ട്ട്: പി. ശിവപ്രസാദ്