മഞ്ജു പത്രോസ് വീണ്ടും ബിഗ് ബോസിലേക്ക് പോകുമോയെന്ന് ചോദ്യം, എനിക്ക് വേണ്ടത് പണമായിരുന്നെന്ന് മറുപടി

ബിഗ് ബോസ് മൂലം ജീവിതത്തിൽ വലിയ മുന്നേറ്റമുണ്ടായ നടിയാണ് മഞ്ജു പത്രോസ്. ധാരാളം സൈബർ ആക്രമണങ്ങളും മറ്റും ഈ സമയങ്ങളിൽ മഞ്ജുവിന് നേരിടേണ്ടി വന്നിരുന്നു. കഴിഞ്ഞ കുറച്ചു ദിവസങ്ങൾക്ക് മുൻപ് താരം വീണ്ടും ഷോയിലേക്ക് തിരിച്ചുവരുന്നു എന്ന തരത്തിൽ വാർത്തകൾ പ്രചരിച്ചിരുന്നു. ഇപ്പോഴിതാ ആ വാർത്തകളോട് പ്രതികരിച്ചിരിക്കുകയാണ് താരം.

ഞാന്‍ അധ്വാനിച്ച് ജീവിക്കുന്ന ഒരു സ്ത്രീയാണ്. എന്റെ തൊഴിലിനെയും സ്വഭാവത്തെയുമൊക്കെ വളരെ മോശമായി ചിത്രീകരിച്ചുകൊണ്ടുള്ള ആക്രമണമായിരുന്നു. അന്നൊക്കെ ഫോണ്‍ തുറന്നാല്‍ ഇത് മാത്രമായിരുന്നു. ഒരു പ്രാവശ്യം തുറന്നാല്‍ വീണ്ടും വീണ്ടും വരുമല്ലോ. അമ്മ കുറച്ച് നാള്‍ ഫോണ്‍ ഉപയോഗിക്കേണ്ട എന്ന് മകന്‍ പറഞ്ഞിരുന്നു. ഞാന്‍ ഇത് വളരെ ഈസിയായി കൈകാര്യം ചെയ്യുന്നുവെന്ന് വിചാരിച്ച് സുഹൃത്തുക്കളും അത്തരം വീഡിയോകള്‍ അയച്ച് തരുമായിരുന്നു.