ചരിത്രം സൃഷ്ടിച്ച് ഏക്താ കപൂർ ; എമ്മി അവാർഡ് നേടുന്ന ആദ്യ ഇന്ത്യൻ വനിത

എമ്മി അവാർഡ് നേടുന്ന ആദ്യ ഇന്ത്യൻ വനിതയെന്ന ചരിത്രം സൃഷ്‌ടിച്ച് ബാലാജി ടെലിഫിലിംസ് സഹസ്ഥാപക ഏക്താ കപൂർ. 2023 ലെ ഇന്റർനാഷണൽ എമ്മി ഡയറക്ടറേറ്റ് അവാർഡ് ഏക്താ നൽകി ആദരിക്കുമെന്ന് ഇന്റർനാഷണൽ അക്കാദമി ഓഫ് ടെലിവിഷൻ ആർട്‌സ് ആൻഡ് സയൻസസിന്റെ പ്രസിഡന്റും സിഇഒയുമായ ബ്രൂസ് എൽ.പൈസ്‌നർ അറിയിച്ചു. ഇതിന് പിന്നാലെ സോഷ്യൽ മീഡിയയിൽ ഏക്താ കപൂറിനായുള്ള അഭിനന്ദനങ്ങളുടെ പ്രവാഹമാണ്. 

2023 നവംബർ 20-ന് ന്യൂയോർക്ക് സിറ്റിയിൽ നടക്കുന്ന 51-ാമത് ഇന്റർനാഷണൽ എമ്മി അവാർഡ് ഗാലയിൽ വെച്ച് ഈ അവാർഡ് ഏക്താ കപൂറിന് നൽകും. ഇതോടെ ഈ പുരസ്കാരം ലഭിക്കുന്ന ഇന്ത്യയിലെ ആദ്യ വനിതയായി ഏക്താ മാറും. ടെലിവിഷൻ കൺടന്റ് വ്യവസായത്തിൽ ഏകതാ കപൂർ ബാലാജിയെ ഇന്ത്യയുടെ ഒന്നാം സ്ഥാനത്തെത്തി. 

എമ്മി അവാർഡ് ലഭിച്ചതിൽ താൻ അതീവ സന്തുഷ്ടയാണെന്ന് ഏക്താ കപൂർ പറഞ്ഞു. 

"ഈ അവാർഡ് എന്റെ ഹൃദയത്തിൽ ഒരു പ്രത്യേക സ്ഥാനം വഹിക്കുന്നു, കാരണം ഇത് ജോലിക്ക് അപ്പുറത്തുള്ള ഒരു യാത്രയുടെ ഭാഗമാണ്. ഇത് എന്റെ വ്യക്തിപരവും തൊഴിൽപരവുമായ ജീവിതത്തിലെ ഒരു പ്രധാന നാഴികക്കല്ലാണ്. ആഗോള പ്ലാറ്റ്‌ഫോമിൽ നമ്മുടെ രാജ്യത്തെ പ്രതിനിധീകരിക്കുന്നത് അഭിമാനകരമാണ്. എന്റെ ഐഡന്റിറ്റി കണ്ടെത്താൻ എന്നെ സഹായിക്കുന്നതിൽ ടെലിവിഷൻ പ്രധാന പങ്കുവഹിച്ചിട്ടുണ്ട്. പ്രത്യേകിച്ച് സ്ത്രീകൾക്കായി കഥകൾ സൃഷ്ടിക്കാൻ പ്രവർത്തിക്കുന്ന ഒരു സ്ത്രീ എന്ന നിലയിൽ."- ഏക്താ കപൂർ പറഞ്ഞു. 

1975 ജൂൺ ഏഴിന് മുംബൈയിലാണ് ഏക്താ കപൂർ ജനിച്ചത്. അച്ഛൻ ജിതേന്ദ്ര അക്കാലത്തെ പ്രശസ്ത നടനായിരുന്നു, അമ്മ ശോഭ കപൂർ നിർമ്മാതാവായിരുന്നു. ബാല്യത്തിൽ അച്ഛന്റെ പാതയിലൂടെയാണ് ഏക്‌ത സിനിമാലോകത്തെത്തിയത്. എന്നാൽ പിതാവിന്റെ സഹായം സ്വീകരിക്കാതെ തന്നെ ഏകത തന്റെ കരിയറിനെ ഉയരങ്ങളിലെത്തിച്ചു.