'ഞാൻ ആദ്യമായി തിയറ്ററിൽ പോയി കണ്ട സിനിമ പൃഥ്വിരാജിന്റെ സത്യം ആയിരുന്നു.. എന്നെങ്കിലും നേരിട്ട് കാണുമ്പോൾ ഒരുമിച്ചൊരു പടമെടുക്കണം, ചേട്ടൻ ഈ മെസേജ് കാണുമോ എന്നറിയില്ല,’: ശ്യാം മോഹന് മറുപടി നൽകി പൃഥ്വിരാജ്

‘ആടുജീവിതം’ സിനിമ കണ്ട ശേഷം പൃഥ്വിരാജിന് മേസേജ് അയച്ച അനുഭവം പങ്കുവച്ച് നടൻ ശ്യാം മോഹൻ. ‘‘ആടുജീവിതം ഇഷ്ടപ്പെട്ടു എന്നുപറഞ്ഞതിനു നന്ദി. പ്രേമലു വളരെ നന്നായിരുന്നു അഭിനന്ദനങ്ങൾ’’ എന്നായിരുന്നു ശ്യാമിന് പൃഥ്വിരാജ് നൽകിയ മറുപടി.

താൻ ആദ്യമായി തിയറ്ററിൽ പോയി കണ്ട സിനിമ പൃഥ്വിരാജിന്റെ സത്യം ആയിരുന്നുവെന്നും എന്നെങ്കിലും നേരിട്ട് കാണുമ്പോൾ ഒരുമിച്ചൊരു പടമെടുക്കണം എന്ന് ആഗ്രഹമുണ്ടെന്നും ശ്യാം മോഹൻ പൃഥ്വിരാജിനോട് പറഞ്ഞു. ശ്യാം മോഹൻ തന്നെയാണ് പൃഥ്വിരാജിന് അയച്ച സന്ദേശവും മറുപടിയും എക്‌സ് പ്ലാറ്റ്ഫോമില്‍ പങ്കുവച്ചത്.