ബെൻ്റ്ലി കോണ്ടിനെൻ്റൽ ജിറ്റി വി8 , ആഡംബര കാർ സ്വന്തമാക്കി രൺബീർ കപൂർ, വില 6 കോടി

ബോളിവുഡിൽ ആഡംബര കാറുകളോട് ഏറ്റവും അധികം പ്രിയമുള്ള നടന്മാരിൽ ഒരാളാണ് രൺബീർ കപൂർ. താരത്തിന്റെ ഏറ്റവും പുതിയ കാറാണ് സമൂഹ​മാദ്ധ്യമങ്ങളിൽ ഇപ്പോൾ ശ്രദ്ധേയമാകുന്നത്. ബെൻ്റ്ലി കോണ്ടിനെൻ്റൽ ജിറ്റി വി8 ആണ് രൺബീർ സ്വന്തമാക്കിയ പുതിയ കാർ.

താരത്തിന്റെ അവസാന ചിത്രമായ അനിമലിലെ കഥാപാത്രമായ രൺവിജയ് സിം​ഗിനും ആഡംബര കാറുകളോടാണ് താത്പര്യം. രൺവിജയ്‌ക്ക് റോൾസ് റോയ്‌സിനോടാണ് ഇഷ്ടമെങ്കിൽ, രൺബീറിന് ബ്രിട്ടീഷ് ലക്ഷ്വറി കാറുകളോടാണ് കമ്പം. രൺബീറിന്റെ കാർ കളക്ഷൻ വിപുലീകരിക്കാനെത്തിയ ‘ബെൻ്റ്ലി കോണ്ടിനെൻ്റൽ ജിറ്റി വി8’ ന്റെ വില ഏകദേശം 6 കോടി രൂപയാണ്.

41 കാരനായ രൺബീറിന് മെഴ്‌സിഡസ്-എഎംജി ജി 63, മൂന്ന് കോടിയോളം വിലവരുന്ന റേഞ്ച് റോവർ ഇവോക്ക്, റേഞ്ച് റോവർ സ്‌പോർട്ട്, ഔഡി 8, ഔഡി ആർ8, ലാൻഡ് റോവർ റേഞ്ച് റോവർ തുടങ്ങിയ കാറുകൾ സ്വന്തമായിട്ടുണ്ട്.