ന്യൂഡല്ഹി: തബ്ലീഗ് ജമാഅത്ത് അംഗങ്ങളെ പിടിച്ചാല് 11,000 രൂപ സമ്മാനം പ്രഖ്യാപിച്ച ഉത്തര്പ്രദേശിലെ തീവ്ര ഹിന്ദുത്വ സംഘടന നേതാവ് കോവിഡ് ബാധിച്ച് മരിച്ചു. ഹിന്ദു യുവവാഹിനി നേതാവ് അജയ് ശ്രീവാസ്തവ എന്ന അജ്ജു ഹിന്ദുസ്ഥാനിയാണ് കഴിഞ്ഞ ദിവസം മരിച്ചത്. ഇദ്ദേഹത്തിന്റെ മാതാവും സഹോദരിയും കോവിഡ് മൂലം മരണപ്പെട്ടിട്ടുണ്ട്.
ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് സ്ഥാപിച്ച സംഘടനയാണ് ഹിന്ദു യുവവാഹിനി. ഇതിന്റെ സജീവ നേതാവായിരുന്നു അജ്ജു.
ലോക്ഡൗണിന് മുമ്പ് തബ്ലീഗ് ആസ്ഥാനമായ നിസാമുദ്ദീന് മര്കസില് നടന്ന ചടങ്ങില് പങ്കെടുത്തവര്ക്ക് കോവിഡ് ബാധിച്ചുവെന്ന വിവരം പുറത്തു വന്നപ്പോഴായിരുന്നു അജ്ജുവിന്റെ വിവാദ പ്രസ്താവന.യോഗിയുടെ വലം കൈയ്യായ ഇയാള് 'യോഗിയുടെ ഹനുമാന്' എന്നാണ് അറിയപ്പെട്ടിരുന്നത്.