ഡൽഹി: ഏകദിന ലോകകപ്പിൽ വിജയക്കുതിപ്പ് തുടരാൻ ഓസ്ട്രേലിയ ഇന്നിറങ്ങും. ഡൽഹി അരുൺ ജെയ്റ്റ്ലി സ്റ്റേഡിയത്തിൽ അട്ടിമറി വീരന്മാരായ നെതര്ലൻഡ്സാണ് എതിരാളികൾ. രണ്ട് മത്സരങ്ങളിൽ പരാജയത്തോടെ തുടങ്ങിയ ഓസ്ട്രേലിയ രണ്ട് മത്സരങ്ങൾ വിജയിച്ച് കരുത്തോടെ തിരിച്ചുവന്നു. ലോകകപ്പിന് എണ്ണം തികയ്ക്കാൻ വന്നതല്ലെന്ന് ദക്ഷിണാഫ്രിക്കയെ തകർത്ത് നെതർലൻഡ്സ് അറിയിച്ചുകഴിഞ്ഞു. റൺ ഒഴുകുന്ന ഡൽഹിയിലെ പിച്ചിൽ വാർണറും മാർഷും സ്കോട്ട് എഡ്വേഡ്സുമൊക്കെ അടിച്ചുതകർക്കുമെന്നാണ് ആരാധകരുടെ പ്രതീക്ഷ.