അച്ഛന്റെയും ജ്യേഷ്ഠന്റെയും പാത പിന്തുടർന്നു മുന്നേറുകയാണ് ധ്യാൻ ശ്രീനിവാസനും. അഭിനയത്തിലൂടെ സിനിമയിൽ തുടക്കംകുറിച്ച ഇദ്ദേഹം ൾ തിരക്കഥാ രചയിതാവ് എന്ന നിലയിലും സിനിമയിൽ സാന്നിധ്യമറിയിച്ച് കഴിഞ്ഞതാണ്. ഇപ്പോൾ സംവിധാന കുപ്പായം അണിയാനുള്ള തയ്യാറെടുപ്പിലാണ് ഈ താരപുത്രൻ .
ധ്യാൻ ശ്രീനിവാസൻ ആദ്യമായി സംവിധാനം ചെയ്യുന്ന ചിത്രത്തിൽ നയൻതാര ബ്രാഹ്മണ പെൺകുട്ടിയായി എത്തും. ശോഭയെന്ന നാടൻ പെൺകുട്ടിയായാണ് നയൻസ് ചിത്രത്തിലെത്തുക.
പാലക്കാടിന്റെ പശ്ചാത്തലത്തിലാണ് കഥ പറയുന്നത്. നിവിൻ പോളി നായകനായി എത്തുന്ന ചിത്രത്തിന്റെ ഷൂട്ടിംഗ് ജൂലൈയിൽ തുടങ്ങും. ലവ് ആക്ഷൻ ഡ്രാമയെന്നാണ് ചിത്രത്തിന് പേരിട്ടിരിക്കുന്നത്.
ധ്യാൻ തന്നെയാണ് ചിത്രത്തിന് തിരക്കഥ ഒരുക്കിയിരിക്കുന്നത്.
ശ്രീനിവാസൻ, ഉർവശി,അജു വർഗീസ് തുടങ്ങിയവരും ചിത്രത്തിലുണ്ട്. ചിത്രത്തിനായി സംഗീതം ഒരുക്കുന്നത് ഷാൻ റഹ്മാനാണ്. വിനീത് ശ്രീനിവാസൻ ഗാനരചന നിർവഹിച്ചിരിക്കുന്നു.
ശ്രീനിവാസ് റെഡ്ഡിയാണ് ഛായാഗ്രഹണം നിർവഹിച്ചിരിക്കുന്നത്.