ആര്യ നടത്തിയത് ഒന്നാംതരം ന്യൂജനറേഷന്‍ സ്വയംവര തട്ടിപ്പ് ? കാര്യം കണ്ട് ആ യൌവനങ്ങളെ വലിച്ചെറിഞ്ഞു ?

തമിഴ് നടന്‍ ആര്യയ്ക്ക് വധുവിനെ കണ്ടെത്താന്‍ നടത്തിയ 'എങ്ക വീട്ട് മാപ്പിള്ളൈ' ശുദ്ധ തട്ടിപ്പായിരുന്നോ ? വെറും നാനകെട്ട മാര്‍ക്കറ്റിംഗ് ? അവസാനം പ്രേക്ഷകര്‍ ഉന്നയിക്കുന്ന ചോദ്യവും അവരുടെ ഉത്തരവും അത് തന്നെയാണ്.

പ്രേക്ഷകരെയും മത്സരാർത്ഥികളെയും ഞെട്ടിച്ചുകൊണ്ടായിരുന്നു ഇപ്പോൾ ആരെയും വിവാഹം ചെയ്യാന്‍ ആഗ്രഹിക്കുന്നില്ലെന്ന്‍ ആര്യ അവസാന നിമിഷ൦ വെളിപ്പെടുത്തിയത്. ഇത് വെറും പബ്ലിസിറ്റി സ്റ്റണ്ട് മാത്രമാണെന്നും മുൻകൂട്ടി തീരുമാനിച്ച തിരക്കഥയിൽ നടന്ന തട്ടിപ്പാണെന്നുമാണ് സമൂഹമാധ്യമങ്ങളിൽ ഉള്‍പ്പെടെ ഉയരുന്ന വിമർശനം.

എന്നാൽ ഫൈനലിൽ വന്ന അഗതയുടെയും സീതാലക്ഷ്മിയുടെയും സൂസന്നയുടെയും അവസ്ഥ എന്തെന്ന് ആരും ചിന്തിച്ചില്ല. ആര്യയുടെ ഞെട്ടിക്കുന്ന തീരുമാനത്തിന് ശേഷം മൂവരും ശരിക്കുമൊരു ഷോക്കിൽ തന്നെയായിരുന്നു.

എന്നാൽ പിന്നീട് അവർ അത് ഉൾക്കൊള്ളുകയായിരുന്നു. ആര്യ പിന്നീട് തീരുമാനം അറിയിക്കുമെന്നാണ് പറഞ്ഞിരിക്കുന്നതെന്നും അദ്ദേഹത്തിന്റെ ആ വാക്കുകൾക്കായി കാത്തിരിക്കുകയുമാണെന്നാണ് മൂവരും പറയുന്നത്.

അതായത് സസ്പെന്‍സ് അവസാനിപ്പിച്ചിട്ടില്ലെന്ന് വേണം കരുതാന്‍. വിവാഹിതയും ഒരു കുട്ടിയുടെ അമ്മയുമായ യുവതി ഉള്‍പ്പെടെ മത്സരാര്‍ത്ഥികളായതും പരിപാടിയുടെ നിറംകെടുത്തി . രണ്ടാംകെട്ടുകാരിയുമായി ഒരു സ്വയംവരം പതിവില്ലാത്തതാണല്ലോ ? എന്തായാലും കാത്തിരിക്കുക തന്നെ ! കാരണം പ്രേക്ഷകര്‍ പൊട്ടന്മാരാണല്ലോ ?